乾炒牛河最肥咩？ 碟頭飯卡路里 逐碟睇

撰文：ramy 圖片：yee

碟頭飯卡路里　豉椒排骨炒麵最高卡

01：豉椒排骨炒麵

茶餐廳食物離不開一個肥字，但以 碟頭飯卡路里 來說，原來豉椒排骨炒麵高踞榜首，致命傷是麵經油炸，油份極高！而且近骨位的部位較肥，脂肪較多，一碟已有1,500 kcal。須知成年女性每日只需1,500-1,800 kcal，一碟已經用盡一日Quota。

02：枝竹火腩飯+鹹魚雞粒炒飯

枝竹火腩飯，這款男人的浪漫，卡路里同樣高得驚人，枝竹本身經油炸，火腩位又有豬皮和肥膏，肥上加肥！鹹魚雞粒炒飯，以為無汁不會高卡，誰知因炒飯要落很多油，雞粒有皮，鹹魚又經醃製，不宜多吃。

03：咖喱雞扒飯+豬扒炒公仔麵

咖喱雞扒飯，煎雞扒大大塊雞皮，咖喱的香料要用油炒香，又要加椰奶烹調，都是致肥原因；椰奶的飽和脂肪含量較高，有增加膽固醇的風險。豬扒炒公仔麵，公仔油經油炸，豬扒亦炸過，一碟等於14茶匙油，少食為妙。

04：星洲炒米+乾炒牛河

看似最肥，原來不是最肥~~不是最肥。因炒米粉需要較多油來炒，故星洲炒米油的份較多，叉燒亦會有肥膏位，加上咖喱的香料要用油炒香，好難唔肥。至於乾炒牛河，河粉本身有油份，再加油炒，脂肪含量高，鈉含量亦高，超過一日所需。

05：粟米肉粒飯+雪菜肉絲燜米

至於OL常吃的粟米肉粒飯，卡路里雖然高過乾炒牛河，但因脂肪含量低一截，所以沒有牛河般肥，所以去茶記都可以食，但粟米含有大量澱粉質，不要當蔬菜吃。而雪菜肉絲燜米，因肉絲和米粉脂肪較低，所以卡路里較低，只是雪菜屬醃製類，不宜經常吃。

06：滑蛋蝦仁飯+北菇蒸雞飯

茶餐廳碟頭飯碟碟都肥，到底哪款可以食得放心點？當中滑蛋蝦仁飯算低卡，蝦仁熱量和脂肪較低。北菇蒸雞飯煮法上少油，如冬菇、雞與飯分開蒸，不吃雞皮更佳。

茶記地雷位

地雷位1：跟餐飲品

最穩陣揀熱檸水，不加糖只有5kcal。凍飲記得叫少甜，一杯凍檸茶，正常甜度達140kcal，少甜則為90kcal！紅豆冰因有椰汁、花奶和紅豆，有260kcal，最肥！另一港人至愛凍奶茶，都有130kcal。

地雷位2：辣椒油

一茶匙辣椒油已有45kcal，而且全部來自脂肪，如果要食辣，建議以辣椒醬代替，一茶匙6kcal，比辣椒油少7.5倍！

港式食物卡路里 :01 四粒蝦餃成碗飯

平時吃一碗飯，感覺吃了很多，其實4粒蝦餃的卡路里，已經足足等如一碗白飯。一平碗白飯，大約有220kcal，4粒蝦餃，也有近216kcal。不過白飯的熱量來自碳水化合物；而蝦餃的熱量就來自脂肪，由於外皮用油來搓，一粒已經有半茶匙油，真係天使外表，魔鬼內涵。至於雪糕，食兩球亦等當於食成碗飯，想精明點，可選水果味雪糕：芒果、士多啤梨都是好選擇，脂肪低幾克。

02 響鈴+薯條

打邊爐最愛的響鈴，卡路里高到得人驚，5件(未浸湯)已經大約等如兩碗飯。全因腐竹本身已是大豆油，再經油炸，脂肪極高，如果再吸湯汁，簡直不敢想像。另外，一包大薯條的熱量亦很高，加上鹽份高，多食有可能水腫及高血壓。如果食時再加包茄汁，就再加20kcal。

03 珍珠奶茶+牛腩河+西多士+沙嗲牛麵

4種食物，一望就知唔簡單。好似珍珠奶茶，用淡奶沖成，而且珍珠是用番薯粉做，又用糖煮過，高卡是意料中事。至於牛腩河，河粉本身掃過油，牛腩望落再瘦，中間都有肥油。西多士，不用多講，又有花生醬餡，又炸過，聽見到知「肥」，唯有食時不搽牛油，可減100kcal。沙嗲牛肉麵致肥元兇是公仔麵，一個已經450kcal，再加牛肉、加濃稠醬汁，肥﹗

04 午餐肉

堪稱港人至愛罐頭的午餐肉，用肥肉打成。細罐裝未煎前，已經有15茶匙油，吃薄薄兩片，已經是全日脂肪攝取量的1/6，營養師話最多……最多……一星期食一次好了﹗

05 公司三文治

間間茶記的公司三文治都有不同配方，但材料都離不開煙肉、煎蛋、火腿、沙律醬、牛油、芝士……全部高脂，有如脂肪層層疊，肥爆﹗

06 超級至尊大批

Pizza上面的沙樂美腸、火腿、芝士、茄醬固然是致肥原因，但其實用油搓成的批底亦不容忽視。薄批半個，熱量足足有6碗飯，食半個，馬上爆標。

延伸閱讀：
燒賣、雞蛋仔、臭豆腐邊樣肥? 街頭小食卡路里