玩盡雞煲新配搭@Dining娜

一講到雞煲，又點可以唔諗起一品雞煲火鍋？其實我一早已經將佢列入咗我嘅「心癮食店」。不過我Dining娜咁嘴刁，得一味招牌秘製雞煲又未必可以keep住吸引我。呢度嘅師傅真係唔話得，將雞煲食材升級，鮑魚、金蠔都可以拎嚟mix & match，用海洋唔同嘅鮮味同質感，配合雞煲醬汁，製作成鮑魚、金蠔雞煲，即刻又成為雞煲界嘅hit items，甚至加入田雞，又變成鴛鴦雞煲，搞到我無藉口唔繼續嚟幫襯～

雞煲係一品嘅馳名招牌作，其實海鮮類都係鎮店皇牌，活魚刺身、龍蝦、象拔蚌等即叫即劏，非常新鮮！如果你食完雞煲之後，同我一樣有選擇困難症，心多多，唔知揀邊款邊爐配料好。師傅就教路，跟象拔蚌等海鮮，可以令海鮮味再「升呢」，下次不妨試下。

鎮店必食雞煲

秘製一品雞煲

秘製雞醬同10幾種香料配搭調校至最合港人口味，麻與辣配合得啱啱好，難怪日賣數百個！

金蠔雞煲

將平民雞煲加入矜貴金蠔，即刻令雞煲增添鮮香，非常惹味。

3大人氣配料推介

手切本地肥牛

牛肉味濃，雪花均勻，焯後吸盡火鍋精華，同雞煲火鍋係絕配。

雙拼滑

蟹子蝦滑、墨魚滑採用創新的自家手打方法，口感得別彈牙鬆軟，食火鍋唔少得。

雙拼蚌

來自美加的頂級桂花蚌同珊瑚蚌爽口鮮甜，配惹味雞煲火鍋或海鮮湯底都得！

海鮮最強

新鮮刺身拼盤

邊食熱辣辣嘅雞煲火鍋，邊食涼浸浸嘅三文魚、皇帝蟹柳同北寄貝等刺身，超爽！

自設特大魚缸，保證供應新鮮生猛海鮮，火鍋海鮮配料即叫即劏，新鮮！

醒胃小食

溏心皮蛋

軟滑到入口即溶，夾埋酸薑喺歎雞煲之間食，清新又消膩。

最愛小總評：

雖然我好欣賞新創意，但最愛都係秘製一品雞煲，店主同師傅用咗半年時間，穿州過省試盡唔同地區嘅雞煲，混合10幾種香料秘製先誕生，誇張啲講真係會上癮㗎。

各區分店：荃灣大鴻輝（荃灣）中心（2697 3337）、荃灣眾安街（2499 3337）、荃灣二坡坊（2469 3337）、旺角好景商業中心（2295 3337）、紅磡民泰街（2407 3337）、土瓜灣馬頭角道（2567 3337）

備註：設加一，收現金及信用卡。