牧羊少年咖啡館平推外賣優惠！$68套餐＋全單7折 歎勻意粉／漢堡包／薄餅／薯條｜外賣食乜好

撰文：Rice

牧羊少年咖啡館逆市推外賣優惠 負責人：用盡往年全年純利來頂落去

疫情令不少食肆面臨結業或停業危機，疫情期間，不少食肆平推外賣優惠力挽狂瀾，望能在這飲食寒冬中求存。當中牧羊少年咖啡館，於其官方Facebook出帖，帖文詳細解釋了不少餐廳寧願停業也不開業的原因，當中原因包括購買快速檢測棒供員工使用及消毒清潔，每月就要花費10萬月。不過負責人表示，認為同事都要生活，都要交租，都要養家，故會用盡往年全年純利來頂落去，但如果資金用盡後都仍未解封都無計可施。希望大家一齊撐落去，不要放棄。

牧羊少年咖啡館原文輯錄如下:

【不要放棄】

1）現時牧羊營業額大約是禁令前的40％（跌了六成）。

2）為保同事飯碗，開舖營業比唔開舖蝕多150%。即係話唔開舖全體同事放無薪假，淨蝕租如果要蝕＄100萬一個月的話，那麼現在開舖就蝕＄250萬一個月。

3）牧羊同事亦有確診個案出現。確診同事跟勞工法例一樣可出 4/5 有薪病假。而公司亦需要另安排同事填補空缺，換言之，這一個崗位原先人工是＄800 一天，現在增加成了＄1440 一天。

4）牧羊買快速檢測棒給同事家中備用，以及室內消毒清潔，大約＄10萬支出一個月，未來幾個月似乎還會有上升跡象。

我想以上的數字，大概可令大家明白，為什麼那麼多餐廳寧願停業或結業，因為開左比唔開蝕多一倍有多。

但我們認為同事都要生活，都要交租，都要養家。我地可以用盡往年全年純利來頂落去，但如果資金用盡後都仍未解封，我地都無計可施了。

牧羊少年咖啡館自從開店以後，憑著旅遊為主題，以及店內散發的濃濃書卷藝術氣息，吸引了不少文青光顧，更先後於葵芳、太子、尖沙咀、將軍澳、屯門、銅鑼灣等地開分店。就今次疫情，餐廳會推出晚市外賣優惠，5點後$68起即可歎到外賣套餐，而單點則全單7拆，使用Foodpanda及Deliveroo外賣平台更可享75折優惠。

外賣分3款餐牌，各供應意粉、飯、薄餅、小食。意粉煮得彈牙煙韌，有Creamy可點卡邦尼長通粉、鮮味十足的龍蝦汁鳳尾蝦意粉、惹味的鹹蛋苦瓜忌廉雞肉意粉等。想飽肚點則有飯類或香脆可口的薄餅，有嗜辣人士必點的冬蔭公海鮮薄餅、清新夠Fresh的千島香芒牛油果雞肉薄餅、香濃的大阪燒風味煙三文魚薄餅等。所有套餐均可加$28享用指定一款小食，有酸忌廉薯條、焗八爪魚丸、是拉差醬法國雞翼等。3款餐牌每日輪流供應，詳情可致電餐廳查詢。

牧羊少年咖啡館官方圖片

• 餐廳：牧羊少年咖啡館
• 分店地址（按此）
• Facebook專頁：牧羊少年咖啡館 The Alchemist Cafe
• 備註：
  1）尖沙咀K11店外賣套餐沒有飯餐及長通粉選項。
  2）各店供應的SET有所不同，請致電分店查詢。
  3）外賣優惠套餐不可與其他優惠同時使用。
  4）優惠期有限，如有更改，恕不另行通知。