香港熱香餅漢堡｜荃灣$15推介＋屯門豬柳蛋班戟包＋荔枝角三層漢堡

香港熱香餅漢堡｜1. 荃灣泰興餅店$15熱香餅包！門市人龍不斷

提到香港熱香餅漢堡推介，近日荃灣就有一間人龍店大受歡迎！荃灣老餅店「泰興餅店」推出了自家製熱香餅漢堡，每日新鮮出爐，售價為$15/個，價錢親民。泰興新出熱香餅包的消息隨即於關注組瘋傳，不少網民都慕名而至排隊爆買，可見門市人龍超誇張，甚至要等足一個鐘！由於反應熱烈，店舖限定每人只可購買2個，大家要留意啦！

• 餐廳：泰興餅店（荃灣福來邨店）
• 地址：荃灣海壩街50號滿樂大廈地下3號舖
• 營業時間：星期一至日 5:45am-8pm

香港熱香餅漢堡｜2. 荔枝角Coffee Question 三層熱香餅煙肉漢堡

荔枝角Coffee Question除了有好飲咖啡外，「三層熱香餅煙肉漢堡」亦是大熱產品！三層熱香餅漢堡有齊太陽蛋、漢堡扒及煙肉，賣相吸引，一切開蛋汁即流出，再淋上糖漿超邪惡。另外可以加錢轉黑松露炒蛋、薯寶等升級滋味。

• 餐廳：Coffee Question
• 地址：荔枝角長沙灣道680號麗新商業中心地下G61號舖
• 營業時間：星期一至五 8am-6pm、星期六至日 9am-6pm

香港熱香餅漢堡｜3. 屯門City‘n Friends 新商場NOVO WALK小店

屯門全新商場NOVO WALK於5月正式開幕，多間小店進駐開幕，其中「City‘n Friends」原來有賣熱香餅漢堡，不少街坊食過都大讚！班戟包共分4款口味，包括「豬柳蛋芝士」、「雙層豬柳蛋芝士」、「煙三文魚芝士炒蛋」及「黑松露炒蛋」，每款都配有粒粒薯寶，$68起食到！

• 餐廳：City‘n Friends
• 地址：屯門欣寶路8號NOVO WALK地下8號舖

香港熱香餅漢堡｜4. 連鎖店Jollibee 早餐、下午餐都食到

連鎖店Jollibee其實亦有賣班戟三文治！煙肉蛋班戟三文治早餐有售，由兩層鬆軟楓糖班戟夾著香脆煙肉、雞蛋、濃郁車打芝士，香甜又惹味。近日更推出了新口味火腿蛋班戟三文治，即叫即造，口感更豐富，熱辣辣食超鬆軟香口！（下午茶只限指定分店及平日供應，週末及公眾假期除外）

• 餐廳：Jollibee
• 分店地址：按此

香港熱香餅漢堡｜5.新墟咖啡 Pancake豬柳強買一送一！供應至5月尾

屯門大熱小店「新墟咖啡」嘅「Pancake豬柳強」一向都係該區名物！而佢地有三款唔同嘅熱香餅漢堡，分別係「神還原芝士豬柳強」、「香辣炸雞牛油果」同「脆脆煙肉芝士太陽蛋」！對比起日本嘅版本，店主更偏向迎合香港人口味，如把熱香餅烘至外脆內軟，又特意煎燶雞蛋邊，真係好有心！只可惜「Pancake豬柳強」會做到31/5，店主指為研發更多創意新品，熱香餅系列可能會「休息一下」，希望大家可以期待佢地嘅新作！

• 餐廳：新墟咖啡
• 地址：屯門新墟村2台33號地下
• 營業時間：10am – 6pm（逢星期一休息）

香港熱香餅漢堡｜6.紅豆烘焙推$15熱香餅漢堡包

熱香餅漢堡於麵包界話題不斷，香港亦有cafe及麵包店乘勢推出，其中本地麵包店紅豆烘焙亦於日前宣佈推出香煎漢堡熱香餅，當中灣仔店率先開賣，每日分3個時段新鮮出爐，分別為早上8時、中午12時及下午3時30分！消息傳出後，一眾網民都表示很期待，而灣仔店開賣當日更引來不少人前來購買。

• 餐廳：紅豆烘焙 Red Bean Bakery
• 灣仔新店-(港鐵灣仔站-A3出口)
  營業時間：06:30-22:00
  地址：灣仔道93,95,97,99號聯泰大廈地A-B舖
  電話：2880 0699