灣仔WeBite Space$40自助早餐！任食20款食品：中式點心/炒粉麵/豆腐花
廣告
健康食品餐廳WeBite Space於灣仔開新分店，更率先推出$39.9自助早餐，任食超過20款食物，包括沙律、中式點心、麵食等，就連黑糖豆腐花都有，價錢非常抵食！而早餐時段指定餐單外賣自取更低至$9.9，深受附近OL喜愛！
灣仔WeBite Space新推$39.9自助早餐！
健康飲食的餐廳很多時定價都會較貴，尤其是開在港島區，閒閒哋一碗蔬菜沙律都近百元。最近記者發現主打健康食品的WeBite Space於灣仔開新分店，更推出超平$39.9的自助餐廳（僅限灣仔店供應），$40有找仲可以任食超過20款食品，逢早上7時半至10時供應，灣仔地段以這個價錢來說真的非常之平，食物賣相都不差，成功吸客，最近在小紅書紅起來！早上太趕無時間堂食的話，更可以選擇外賣早餐，最平水煮蛋1隻配低糖豆漿或美式咖啡只需$9.9；包點2個配低糖豆漿或美式咖啡$19.9；湯麵類低糖豆漿或美式咖啡$29.9，性價比一樣高！
自助區任食20款食品！中式點心/炒米粉/豆腐花
$39.9自助早餐可以食盡超過20款食品，包括香煎火腿片、田園沙律、三絲炒粉、中式包點、韭菜煎餃、公司三文治、榨菜肉絲麵、美式咖啡、黑糖豆腐花等，全部可以在自助區任拎，環境乾淨企理，附近的上班族不妨組隊歎個醒晨早餐！
名稱：WeBite Space
地址：灣仔港灣道28號灣景中心大廈1樓10號舖(地圖按此)
前往方法：港鐵會展站A2出口, 步行約5分鐘
營業時間：星期一至五 08:00 - 18:30；星期六至日全日休息
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：官方圖片、小紅書@歌兒Chole、小紅書@C小姐的美食生活分享、小紅書@快快乐乐
