【出街搵食】灣仔咖喱小店 設計師家傳秘方 惹味香辣崩沙牛腩｜灣仔午餐｜
撰文：N 攝影：Woody
灣仔星街飄香 設計師的媽媽咖喱
在店內廚房埋頭煮咖喱的，是這裡的老闆兼大廚阿橋，曾在澳洲修讀設計，後來回港做產品設計師，在行內打滾廿多年，卻忽然半路出家當廚師？
「兒時常常出入廚房，家族有開餐廳的，有當酒店廚的，媽媽更是煮得一手好菜，咖喱她最拿手；食得多，自然就對食有要求，想與人分享好味的東西；加上做設計已有一段時間，想在人生上開拓多一個新階段，就有了開店的念頭。」
9個月研製！印度 x 巴基斯坦咖喱汁
阿橋決定以媽媽的咖喱出發，將家傳配方結合印度和巴基斯坦風味，Fusion成店子獨有的新派咖喱。「印度咖喱辣度 高，醬汁偏薄身；巴基斯坦的則濃稠香惹，將兩者揉合取個平衡，味道、 辣度就剛剛好。」而為了這煲咖喱，阿橋開店前花了9個月的時間，四出派咖喱讓人試食，男男女女、貨車司機、OL 儷人，收集意見來調出最佳味道。
每日限量！惹味咖喱崩沙牛腩
除了每日親自炒煮咖喱，阿橋對配咖喱的食材也很講究，招牌兼每日限量的崩沙牛腩，指定用崩沙腩及坑腩之間的Short rib部位，既有崩沙腩的肥美，又有坑腩的肉感。
原幅燜至軟腍，客人落單才切成腩片，於牛骨清湯內輕輕燙熱。
最後再淋上咖喱汁而成，雖不與咖喱同燜，食落卻沒有貌合神離，咖喱的香料辛香份外鮮明，醬汁濃惹，辣度來得恰到好處，未至於火燒喉嚨要灌水的刺痛感，卻有舌頭微燙，辣味來又去的感覺，拌起飯來，倒是有種追著吃的心癮。
羶香十足！搶手咖喱羊腩
除了崩沙牛腩，這裡的咖喱羊腩同樣人氣。用新西蘭羊仔腩，於鑊內煎香與咖喱汁溫火慢煮。
由於用了帶骨的羊腩，羊肉羶香更突出，肉質軟熟，與咖喱的香辣平衡有致；醬汁內半溶化的薯仔和洋葱，為咖喱添上口感和甜味。
咖喱以外 食埋檸檬雞、清湯腩、爽彈牛丸！
唔食辣的話，這裡也有檸檬雞、清湯腩等不辣菜式。檸檬雞將雞髀肉即叫即生煎，拌以新鮮檸檬醬汁，味道似足平時吃的西檸雞，是附近不少OL的午飯最愛。
清湯腩則用上牛肩胛部位，厚切成條，食落啖啖肉好滿足，每款咖喱、雞肉或清湯腩更可以選配飯、米粉、粗麵、雜菜或烏冬。
店內全部食物即叫即煮，由阿橋一手包辦，連甜品都是自家製，果汁Smoothie也用鮮果打製，百呎小廚房，背後卻是萬分誠意。
SUNCURRY 好味太陽神美食店
地址：灣仔星街2號地下 C 舖（顯示地圖）
電話：2412 3423
營業時間：星期一至六 11am-9pm（星期日休息）
平均消費：$70/位
備註：不設加一，只收現金及八達通；食材每日限量供應，售完即止。
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
