＄168 原隻 乳豬 即叫即燒！街坊酒樓 上枱自己剪｜深水埗食乜好｜
廣告
話說最近有間深水埗街坊酒家，在元州街賣了12年的乳豬，竟貼出大字報話要搞「革命」。點搞？第一要抗通脹，逆市而行，全隻乳豬 只賣$168（9位起），半隻$88（6位起），價錢之低，絕無僅有，值得組團一戰。
真材實料！ 即燒 乳豬
你怕偷工減料，將貨就價，經理就話不敢騙精叻的街坊熟客，用的還是本地酒樓常用的越南豬，尺寸雖然用行內俗稱13K的細豬，至少足8-10人份量，絕對益街坊。
乳豬 燒得夠透身，皮又脆又薄，吃落不算太肥，肉雖不多，但細嫩多汁，醃味較重，加些砂糖和 乳豬 醬，正好。
晚晚做約30隻乳豬，隻隻也是收柯打後，在廚房叉住即燒，保證新鮮熱辣，燒好再上一層話梅粉，增加風味，絕對有心做。
原隻金豬 不斬不切
這裡食乳豬有新玩法！墊張紅紙上枱，不斬不切，放下鉸剪同手套，還有一張說明書，要食客即席玩堂剪。當下氣氛，熱鬧無比，影相的影相，等食的等食，剪豬的剪豬，似足圍村分豬肉，你又怎會想到酒樓要慳皮？
先由豬尾剪起，將豬身分開，直劏至豬頭。
沿着豬耳背劏出豬頭，帶走煮粥， 無任歡迎。
接着將豬身剪成細段，即可享用。
即食即剪，勝在可以最大程度保留肉汁。不過要記得就是，剛出爐燒豬，「睇熱！」
龍寶酒家
地址：長沙灣深水埗元州街280-288號地下（顯示地圖）
電話： 2626 0808
營業時間：7am-11:30pm
備註：
1. 乳豬優惠不能與其他晚飯優惠一同享用
2. 乳豬優惠，六位起可享用半隻，九位起可享用全隻
3.收13%服務費
延伸閱讀
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
