將軍澳椰子主題小食店！原個椰子攞住食：泰國椰皇+D24榴槤超新鮮
廣告
好「椰」推介！夏日熱辣辣就梗係要食d凍冰冰又清爽嘅野解渴，咁呢間「椰子星球」就啱晒了！呢間舖頭位於將軍澳新都城，主打每天新鮮製作嘅椰子美食同甜品，呢排仲跟上熱潮推出咗開心果/榴槤系列，即刻嚟睇吓啦！
將軍澳椰子星球：選用泰國椰皇+奶凍系列！
椰子星球於上年年尾開業，不久後便得到大家嘅喜愛！店舖裝潢以外太空作為主題，充滿未來感，打卡分已經贏晒！而食物方面佢地都唔輸得！為帶比顧客最fresh嘅體驗，佢地堅持每日開店處理新鮮椰子肉和萃取椰子水，再製作成各式食品，如甜品、飲品、仲有燉湯！
奶凍系列就係該店嘅人氣之選！該系列有「雙層椰子凍」（$42）、「椰枝甘露椰子凍」（$52）和「嗅嗅D24榴槤椰子凍」（$68）等等！店家指每杯飲品都夠足料，包你啖啖都食到！
新品！開心果奶蓋+鰻魚玉子燒
除了固有嘅經典甜品外，上星期椰子星球亦推出了2款重量級新品——「開心果奶蓋椰子水」（$42）+「鰻魚玉子燒」（$49）！開心果奶蓋由鹹香芝士同濃郁開心果醬製成，嫩滑嘅玉子燒搭配炙烤香脆嘅鰻魚令到口感更豐富！呢2款新品都值得一試！
- 餐廳：椰子星球
- 地址：將軍澳新都城一期 205-206號鋪
- 電話：Instagram 按此
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：Instagram @cocohunthk
