【出街搵食】自創鬆軟奶香梳乎厘班戟！視藝老師棄教席追夢｜九龍城甜品｜
撰文：ning 攝影：Fion
放棄教席 創業開梳乎厘班戟甜品店
這間剛開業的甜品店，主打近年日本大熱的梳乎厘班戟，但店子背後，原來是個追夢故事。
店主 Kenny 本身讀視藝科，更在學校執教，後來覺得視藝及教育工作在香港前景不明朗，於是決定放棄原有的教師職業，趁年輕嘗試創業，去過日本、台灣、上海浪遊，發現自己對飲食最感興趣，在日本吃過梳乎厘班戟後更一試難忘，回港後就開了自己的梳乎厘班戟店。
店內環境也是Kenny發揮其視藝天分的地方，帶點Tiffany Blue的少女風格。
自創麵糊 鬆軟奶香梳乎厘班戟
別人做梳乎厘班戟著重煎法、 模具甚至配料，但Kenny則從粉漿入手，自學研究獨家麵糊，將日本低筋麵粉、牛奶及牛油事先用細火煮過，放涼後混入蛋黃、蛋白成為粉漿。由於牛奶曾經煮過，煎出來的梳乎厘班戟味道更香，食落奶味更濃。
而且所有粉漿即叫即做，保持新鮮度之餘，也可確保班戟有足夠膨脹度，鬆軟震騰騰。
煎法參考日本常用的班戟煎法，不落模具定型，直接落粉漿煎，賣相特別渾圓治癒。
兩大片的梳乎厘班戟，入口湧出牛奶香氣，質感輕軟富空氣感，咬落帶點韌度，而不是半熟的粉漿口感。由於店主將班戟麵糊加以改良，奶味濃郁的梳乎厘班戟比坊間的更添個性，面層忌廉也做得幼滑不膩。不過因為奶多而麵粉少，梳乎厘班戟收縮下塌的速度較快，相機食先要趁早！
若然覺得原味梳乎厘班戟太單調，也有其他口味的配料可供選擇，好像朱古力焦糖香蕉核桃梳乎厘班戟，配料夠多，香蕉面層的焦糖燒得薄脆香甜，原味班戟配上朱古力忌廉，帶點可可味道；再配香脆核桃粒，層次豐富。
同場加映！日限30份 即焗法式多士
除了梳乎厘班戟，同場也有每日限量30份的法式多士，厚切麵包每面浸蛋液12小時，兩邊就浸足一整天，有柯打時先用牛油煎香表面，再入爐烤焗至脹起，外脆內軟，口感豐富。
麵包足足3.5吋厚，足2-3人分享；蛋液完全滲入麵包內，食時有如布甸的質感，蛋香亦濃，配搭的糖漿帶點花香，正可解膩。
Layer’s Cafe & Pancakes
地址：九龍城福佬村道19號地舖（顯示地圖）
電話：2791 0633
營業時間：星期一至四、星期日9am-10pm；星期五至六9am-11pm
農曆新年營業時間：初三啟市（12nn-10pm）
備註：法式多士於每日3pm 後供應，每日限量30份。
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
