堅尼地城50年老字號「新興食家」！街坊價點心：糯米卷／蟹膏燒賣／鴨腳札

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Sep 21 2023

堅尼地城有間老字號點心店——「新興食家」，是不少名星和街坊的愛店之一，連陳奕迅、謝霆鋒、食神蔡瀾都是店舖的常客！店子供應的點心價錢超親民，由$22-$30不等，而且更有失傳的懷舊點心，如糯米卷、滑豬潤燒賣、雞球大包、鵪鶉蛋燒賣等，近期更成為大陸網民熱捧店添，即睇店子有咩咁巴閉啦！

堅尼地城「新興食家」半世紀老字號點心店！

香港地想食到點心不難，中午走進隨便一間酒樓都可以食到，但是想食到懷舊點心款式，卻是少之又少。如果想食到舊時的味道，可以走進堅尼地城這間屹立半世紀的點心店「新興食家」。小店開業50年，由凌晨3am開業至中午4pm，是街坊們飲夜茶、早茶的好地方。店子空間細小，走廊通道狹窄，只有數張大圓枱供食客共座一枱，因此搭枱都是預料之事。點心舖價錢相宜，最平$22/籠，盅飯都只需$30就食到，難怪連名星陳奕迅、謝霆鋒、食神蔡瀾等都經常到店捧場啦。

新興食家堅尼地城50年老字號「新興食家」，平日都爆場，坐滿熟客和遊客。 — 堅尼地城50年老字號「新興食家」，平日都爆場，坐滿熟客和遊客。（圖片來源：新假期編輯部）

新興食家點心師傅滿滿整，點心疊高一籠籠放置，場面虛撼。 — 點心師傅滿滿整，點心疊高一籠籠放置，場面虛撼。（圖片來源：新假期編輯部）

小店不時還有姐姐推車仔推銷點心，場面十足十回到舊香港酒樓一樣，好有懷舊味道。最近更加登上大陸社交平台「小紅書」的熱門推介，記者當日到店，全場幾乎8成都是大陸人，只有2成是街坊熟客。

新興食家店內姐姐會不時推住點心車，裝住新鮮出爐的點心供食客自取，現今的茶樓已經買少見少！ — 店內姐姐會不時推住點心車，裝住新鮮出爐的點心供食客自取，現今的茶樓已經買少見少！（圖片來源：新假期編輯部）

最抵食$22/籠！失傳懷舊糯米包／雞球大包／蟹膏燒賣皇

新興食家的點心為自家製作，供應約56款點心，價錢由$22-$30不等。當中於餐牌不難看到店子保留了不少懷舊、幾乎絕跡的點心款式，包括羅漢齋粉包、懷舊糯米包、圍村臘腸卷、正雞球大包、鵪鶉蛋燒賣、豬潤燒賣、棉花雞等。點心雖然頗頗出爐，但是售罄的速度很快，記者中午時段柯打了6款點心，當中有3款經已賣完，所以想食到心水的款式都要早啲去啦。