睇奧運餐廳全港7大推介：大螢幕電視＋24小時營業＋任飲任食（附預約電話）
延伸閱讀：2024奧運直播商場名單、展覽表演、打卡熱點(附7至8月商場活動詳情）
全港7大睇奧運餐廳推介！大螢幕電視＋營業至凌晨
由於香港同巴黎時差為6小時，因此比賽大多是在香港晚飯及凌晨時間進行。今次特意整合幾間營業至凌晨、配備大螢幕電視、食物選擇多的餐廳，希望大家可以舒服欣賞直播賽事，為港隊打打氣！
睇奧運餐廳推介｜1.The Sky Bar
The Sky Bar場內設有美式桌球及飛鏢機餐廳中間更設置咗一個超大投影幕直播奧運賽事！近期更有限時推廣活動，星期一、三、四可以用優惠價$228任飲任食兩小時，Cocktail、Mocktail、啤酒、紅白酒均有提供，啱晒三五知已小酌，享受奧運比賽氣氛！
睇奧運餐廳推介｜2. The Stadium
位於觀塘嘅The Stadium係以球類運動為主題嘅餐廳，用餐環境寬敞舒適，設有多部大螢幕電視，基本上喺任何角度都可睇到比賽，因此一向都深受球迷們歡迎！食物方面以西式美食為主：炸魚薯條、黑松露野菌薄餅、安格斯牛肉漢堡、斧頭扒等等都係人氣之選～
睇奧運餐廳推介｜3. FREE HOUSE Bar and Cafe
喺大埔開業已經6年嘅FREE HOUSE Bar and Cafe佔地4,000呎，提供各種酒類及美食。最大特色除咗配備大電視直播賽事外，場內更設有多款娛樂設施包括：飛鏢機、美式桌球台，Beer Pong/Snap Cup以及卡啦OK，啱晒約埋一大班朋友仔相聚！
睇奧運餐廳推介｜4. Namo Avant Thai Restaurant
位於尖東維多利亞港海旁嘅餐廳Nami Avant Thai Restaurant嘅露天座位設有大電視，可以一邊休閒咁吹海風，一邊欣賞緊湊嘅奧運賽事！食物走精緻泰國菜風格，西餐食材配以泰式煮法：斑斕味Panna Cotta、芒果莎莎鵝肝脆餅、手撕鴨沙律，有創意之餘味道亦非常有驚喜。
睇奧運餐廳推介｜5. 滾爺火鍋 (上海街)
滾爺火鍋最大好處為24小時營業，可以配合今屆巴黎奧運凌晨賽事，唔洗擔心睇到一半要散場返屋企咁掃興！餐廳主打零味精湯底，招牌係由原隻泰國椰皇製成嘅椰子雞煲，重有大量新鮮火鍋料：自家製手打丸、即炸響鈴、手切牛頸脊同多款現劏海鮮！
延伸閱讀：香港奧運獎牌運動員 歷屆金銀銅牌得主一覽(附獎金詳情）
睇奧運餐廳推介｜6.馬辣台式鴛鴦火鍋
想同朋友一齊睇奧運，一邊打邊爐，不如試吓呢一間馬辣台式鴛鴦火鍋～$208起2.5小時放題任食，有10款湯底可選，超過50款火鍋配料，啤酒任飲，CP值超高！
睇奧運餐廳推介｜7.至尊重慶雞煲
至尊重慶雞煲最近新推出了清甜椰子雞，午時$168起無限時（椰子雞需每位+$18）份量足，夏天消暑必吃！有超過60款火鍋配料，晚市啤酒任飲！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
