岩盤牛扒超值早餐！$29叉燒拉麵/$16夢王蛋出前一丁｜指定分店供應

岩盤牛扒周末限定早餐！$29日式叉燒拉麵

連鎖石燒牛扒店「岩盤牛扒」主打吃石燒牛扒、牛肉丼飯，分店偏佈港九新界。最近天水圍分店推出周末限定醒神早餐，逢星期六日及公眾假期早上9時至中午12時供應，其中日式叉燒拉麵只需$29碗，以豚骨熬成的高湯底拌以日式叉燒、糖心蛋、粟米、海帶、木耳絲，想食得豐富啲，更可以追加煙鴨胸、炸雞粒、牛肉、叉燒等配料，每款價錢由$6起，無論賣相和份量都相當不錯。消息一出，就有「香港茶餐廳及美食關注組」會友率先去試，網民留言評價都很正面，大讚「正喎」、「真係唔知邊度可以食到咁平嘅拉麵！」、「性價比好高」。

早餐除了$29日式叉燒拉麵，另外仲供應$16夢王蛋出前一丁，同樣可以追加配料，有午餐肉、香腸、火腿及夢王太陽蛋，一餸加$14；兩餸加$22；三餸加$26，不過網民認為$29日式叉燒拉麵更加抵食高質，大家又會點揀呢？