奇華旗艦店 熱辣辣 即焗奶皇月餅 五款口味 最平買6送6！ |灣仔食乜好|

撰文：ning 攝影：Kwanyiu

開放式廚房 即焗奶皇月餅

平時吃的月餅，多數都是預先焗製、包裝好、一盒數個的，今次奇華旗艦店推出的 即焗奶皇月餅 ，每日9點鐘開始出爐，個個賣相金黃，兼且飽滿脹卜卜，仲可以單個買走，方便即買即食。

月餅先在工場包餡入模，再急凍直送到舖，於店內的現烤廚房烘焗至全熟，出爐一刻傳來陣陣烘焙香，月餅皮呈曲奇狀態，很酥脆，內裡的奶皇餡熱得燙口，平時就算將月餅加熱來吃，亦無這種外脆內軟的感覺！

五款口味逐個睇

店內的 即焗奶皇月餅 共有五款口味，有原味、朱古力、芝士，以及只有旗艦店限定的奶茶、咖啡口味。月餅上印有相關口味的字眼，而原味奶皇則用「奇華」兩字代替。

1.原味奶皇

最經典的口味，外皮酥香鬆脆，似曲奇餅，奶皇餡很軟滑黏稠，食到甘香鹹蛋黃味和奶香。

2.朱古力奶皇

以往用原味外皮，今年連外層都變為朱古力外皮，食落有濃濃的可可味，口感帶濕潤，好似食緊Brownie一樣。

3.芝士奶皇

今年新推出的奶皇月餅口味，禮盒裝全線奇華都有得賣，但要食即焗的，都要來灣仔店。於奶皇中混入芝士醬，食落微微帶點芝士香，鹹甜相間。

4.灣仔限定！奶茶奶皇

只限灣仔旗艦店有售，利用港式絲襪奶茶來做奶皇餡，茶味突出，吃罷會有悠長的茶味after-taste，頗香滑。

5.灣仔限定！咖啡奶皇

同樣灣仔店限定，咖啡味道濃郁，帶點smoky味道。有創意的不妨連同奶茶味一齊食，每邊各咬一口，在嘴內自製港式鴛鴦。

星期五最抵！買6個送6個！

店內的 即焗奶皇月餅 每個$24元，除了可以單個獨立購買之外，兩個或六個都會有盒裝，可以自由配搭口味。

不過要買得最抵，就要把握9月1日及9月8日兩個星期五，因為到時會推出限時優惠，買指定口味6個，送原味奶皇6個，平均只是$12個，算抵食。提提你，買6送6的 即焗奶皇月餅 優惠只限中午12:30至下午2:30發售，限量200盒，每人每次最多買兩盒，奶皇月fans記得睇準時間出動！

同場加映 即焗老婆餅+港式餅食

除了 即焗奶皇月餅 ，店內的現烤廚房依然繼續有駐場餅廚即時製作老婆餅、雞批、蝴蝶酥、叉燒酥、蛋撻和咖喱角等港式懷舊餅食。由塗蛋漿、灑芝麻、烘焗到出爐，整個過程都一目了然；出爐一刻香噴噴，件件新鮮熱辣！

即焗老婆餅隻隻都金黃脹卜卜，咬開湧出燙口的冬瓜蓉，清甜帶點煙韌，酥皮鬆化薄脆，酥香十足。

懷舊必睇 上海街老鋪 Miniature

店內的另一端有個懷舊區，牆上除了奇華金漆大字和簡短的文字歷史介紹之外，更特意邀請兩位微型藝術家製作了兩個模型，分別重現當年奇華餅家位於上海街的首間店舖，以及50、60年代上海街第2分店的場景，模型上的所有人偶、微型餅食、麵包、糖果等等，都是人手花了近4個月時間精心製作，像真度和細緻度都超高！

奇華餅家特色旗艦店

地址：灣仔皇后大道東188號（顯示地圖）
電話：2898 3662
營業時間：星期一至六 8:30am-10:30pm、星期日及公眾假期 10:00am – 9:00pm
備註：

即焗奶皇月餅 買6送6優惠只限9月1日及9月8日下午12:30至2:30發售，限量200盒，每人每次最多限買2盒，售完即止。

指定口味分別為奶茶奶皇月（9月1日）及芝士奶皇月（9月8日），最終款式以店舖決定為準。

延伸閱讀：