太古 食乜好│必吃特色話題食店＋着數推介 ＠Dining娜

Photo：Wing

我Dining娜最怕就係排隊，偏偏香港搵食最煩就係人多冇位，去親銅鑼灣、尖沙咀同觀塘，成日都人頭湧湧，而且來來去去嗰幾間，真係好冇新意。最近，就被我發現港島東覓食新版圖： 太古城 中心，原來好多型格特色食店已經進駐呢度，當中唔少仲係話題食肆，好似米芝蓮星級意菜、北海道直送刺身丼飯等。呢排仲有超筍着數，食滿$500即送1款美食，食完仲送番$50餐飲禮券，俾你下次用，變相下餐飯自動變9折！真係幾抵，相信嚟緊 太古 都會係我哋飯敘嘅指定地點！

親民價食米芝蓮意菜 ＠CIAK – All Day Italian

CIAK – All Day Italian係中環CIAK – In The Kitchen嘅姊妹店，呢間食店正係由人氣意菜餐廳8½ Otto e Mezzo BOMBANA主理人星級大廚Bombana做顧問，而且開業無耐已被《米芝蓮指南香港澳門2017》列入「車胎人美食推介」（Bib Gourmand）。

唔好以為掛住米芝蓮招牌就好貴，呢度價錢好親民，冷盤、熱盤、意粉、pizza都係百幾蚊，烤雞、黑毛豬都係百幾至200幾蚊，好抵食，而食物質素卻係星級水準！大家都知BOMBANA對食材挑選要求極高，佢哋90%食材都係由意大利直送；單係製作pizza，麵糰要經過長達36小時嘅發酵而成，焗出嚟嘅薄餅比坊間更加外脆煙韌，係性價比好高嘅米芝蓮意菜。

地址：太古城中心2樓265號舖

電話：2116 5128

太古 「築地」食刺身睇劏魚 ＠北海丼

顧名思義，呢度食嘅就係北海道直送嘅魚生飯，80%嘅刺身、海產、食材來自北海道，大部分源自知名嘅「高橋水產」。人氣海產包括海膽、帆立貝、三文魚子、牡丹蝦、松葉蟹等都係頂級新鮮。如果食招牌三文魚子丼，仲會好似札幌名店「海味 Hachikyo」嘅侍餐方法：廚師和店員會大叫oisa~ oisa~，然後將一大匙一大匙足有200g嘅三文魚子鋪喺壽司飯上，直到滿瀉！

北海丼逢星期二、五都會上演1場「庖丁解魚表演」，師傅會現場即劏50公斤以上嘅藍鰭吞拿魚，幾有去咗日本築地嘅感覺。我咁識食梗係約friend呢兩日嚟食最新鮮嘅刺身啦！唔單止食到即劏肥美拖羅，仲可以食到特別又罕有嘅部位：嫩滑creamy嘅腦天（前額）同吞拿魚骹等。

地址：太古城中心3樓313號舖

電話：2577 0828

驚喜新派泰菜甜品 ＠Mango Tree Café

呢間係人氣泰菜店Mango Tree位於香港嘅第1間café，走新派路線，加入咗多元化嘅西式元素，又或者將唔同嘅泰式風味來個crossover，無論係菜式意念、食材配搭同賣相，都非常創新有驚喜，冬蔭炸雞翼、Phad Thai薄餅、八爪魚菠蘿沙律、泰式滷水豬手等都係必食招牌菜。同班閨密食飯，最尾一定要食甜品先安樂，呢度就有好多特別嘅選擇：芒果糯米飯、斑蘭焦糖燉蛋、三色椰子爽等等；食/飲埋泰式雪糕、健康特飲同泰式特飲，超有泰國feel。

地址：太古城中心3樓314號舖

電話：2577 0699

木製Snoopy陪食 ＠LOG-ON Café

現時全港唯一1間LOG-ON Café，全店以木為主題，木的裝修、木桌椅，以及擺放不同木製精品，過往曾經同唔同潮流或文青品牌crossover，之前就有Sonny Angel，而上年10月就同wooderful life聯乘合作，有好多木製公仔，包括依家店內見到嘅木製Snoopy，得意又搶眼。店內仲有個wooderful life DIY體驗區，喺隔籬LOG-ON買完精品配件後，就可以喺呢度即刻親手組裝，有得食又有得玩。呢間LOG-ON賣嘅木製配件亦比其他分店多，有成幾千款，有心選購就要嚟 太古城中心 嘅分店。呢度嘅日式西餐以健康為主，食材同菜式設計都經過日籍顧問監督，優質之餘，仲兼顧均衡營養。

地址：太古城中心2期260-261號舖

電話：2736 3866

食好西雙重着數

有咁多間話題食肆，我Dining娜已經忍唔住要喺群組嗌咪約飯局喇！因為由依家至2017年6月30日期間嘅星期六、日及公眾假期，喺太古城中心食肆消費滿$500或以上（最多累積2張單據），就可以換到$50餐飲禮券下次用。

呢段日子，喺以下太古城中心指定食肆消費滿$500或以上，仲會請你食免費美食！

‧阿詩瑪壹菌（003、004號舖）：玫瑰冰粉1客

‧Greyhound Café（007號舖）：招牌脆炸單骨雞翼1客

‧Sensory Zero（誠品生活，G014號舖）：特濃咖啡加雪糕及免費咖啡優惠券（供下次消費使用）

‧王家沙（101號舖）：三絲粉皮1客

‧The Night Market（102號舖）：荔枝水晶球1客

‧Kam’s Café（123號舖）：香蕉班戟1客

‧奇華餅家（139號舖）：玄米茶曲奇1份

‧The Spaghetti House（142B舖）：黑胡椒蜜汁雞翼1客（不適用於5月14日）

‧LGB Café（202號舖）：精選Panini 1客

‧GODIVA Chocolatier（213、221號舖）：朱古力凍飲1杯

‧Minh & Kok（255號舖TREATS）：香芒榛子醬黑糯米1客

‧Venchi（256號舖）：片裝朱古力禮盒（16片裝）1盒

‧LOG-ON Café（260、261號舖）：煙鴨胸蘑菇扁麵配香草番茄醬1客

‧市川日本料理（262號舖）：雪糕2客

‧Dan Ryan’s（311號舖）：生啤或鮮Lemonade 1杯

‧蘇浙滙（312號舖）：酒釀圓子1客

太古城中心

地址：太古城道18號

交通：港鐵太古站E1出口