大閘蟹套餐2022｜ 全港13間蟹餐推介：買1送1優惠｜區區搵食

大閘蟹套餐2022！全港13間大閘蟹套餐推介

接連結跳至

• 1.連鎖店
• 2.港島區
• 3.九龍區
• 4.網上到會

–

連鎖店

大閘蟹套餐2022推介1.沙田/銅鑼灣/青衣「東海薈」$368大閘蟹套餐！

東海飲食集團旗下的4間分店設有大閘蟹套餐，可以食盡2隻5両重的清蒸大閘蟹外，同時還會配以螺頭燉湯、鮮拆蟹粉小籠包、鮮鳳梨黑豚肉等菜式，而且不論是獨食蟹宴，或是一班朋友一齊食都有不同套餐選擇！

• 供應日期：即日起至另行公布（詳情留意官方發布）

• 餐廳：東海薈（沙田店）
• 地址：新界沙田區沙田鄉事會路138號新城市中央廣場1樓117號舖（銅鑼灣、青衣、太古坊另有分店）
• 電話：8228 8188
• Facebook：eastocean.hk
• 備註：
  另收加一服務費、茶芥及小食費

大閘蟹套餐2022推介2. 銅鑼灣/尖沙咀/中環「翠亨邨」珍味大閘蟹套餐！

擁有超過45年粵菜老字號的翠亨邨主打手工粵菜，今年趁著大閘蟹季節推出套餐，其中包括兩隻江蘇大閘蟹(4両)、原隻皮脆肉嫩的燒乳鴿，以及一系列以蟹粉入饌的手工菜式如蟹粉玉簪蝦球、蟹肉文思豆腐羹及蟹粉炒飯，款式豐富又吸引！

• 供應日期：2022年10月3日-11月13日

• 餐廳：翠亨邨
• 地址：香港銅鑼灣區波斯富街99號利舞臺22樓（尖沙咀及中環另有分店）
• 電話：2409 4822
• Facebook：Tsui Hang Village 翠亨邨

大閘蟹套餐2022推介3.元朗/將軍澳/大角咀「家上海」食盡5両清蒸大閘蟹 買一送一！

家上海今年亦推出大閘蟹套餐優惠，分別在旗下分店推出「金秋淮揚大閘蟹宴」，六道菜蟹宴首先會以江南四式拼盤作前菜，包含陳醋紅蜇頭、花雕醉蝦、目魚大烤及淮鹽溏心燻蛋。其後便是重頭戲：蟹黃味濃郁的紅燒蟹皇三絲翅和原汁原味的四両半至五両重清蒸大閘蟹！還有生拆蟹粉小籠包和 薑汁小丸子添，保證可以食到捧腹而回。

• 供應日期：即日起至12月中旬（詳情留意官方公布）

• 餐廳：家上海（元朗）
• 地址：新界元朗區元龍街9號YOHO MALL一樓1058號舖（大角咀及將軍澳另有分店）
• 電話：2602 2218
• Facebook：modernshanghaihk
• 備註：
  必須二人惠顧方可享用買一送一優惠(加一服務費以原價計算)
  1957 & Co. Loyalty Program會員(免費入會)可享「二人同行一人免費」優惠

大閘蟹套餐2022推介4.旺角/尖沙咀/沙田「翡翠拉麵小籠包」4人蟹粉套餐 人均$250！

翡翠拉麵小籠包在港九新界都返有分店，趁住秋意漸濃是食蟹的好季節，推出了「蟹粉香撲嚐鮮4人餐」，一次過食盡招牌點心「蟹粉小籠包」，還有花雕醉雞、蟹粉豆腐煲等，超級足料！想食豪啲亦可以選擇升級版的4人套餐，即可以歎到更多蟹粉菜式如芙蓉蟹粉蟹肉賽螃蟹、蟹粉蝦球鍋巴、鮑魚蟹粉撈飯等，而且多區都有分店，好方便！

• 供應日期：即日起至另行公布（詳情留意官方發布）

• 餐廳：翡翠拉麵小籠包
• 地址：九龍旺角區新世紀廣場 5 樓 505B 號舖（港九新界設有多間分店）
• 電話：3586 9498
• Facebook：翡翠餐飲集團 Crystal Jade HK

大閘蟹套餐2022推介5.銅鑼灣/長沙灣/牛頭角「超人燒鵝」$45兩餸飯大閘蟹！

近日遍佈港九的一間兩餸飯「超人燒鵝」竟然有賣大閘蟹，每隻只售$45，十分抵食絕對是窮人恩物！大閘蟹的蟹膏份量頗多，掰開兩半，蟹膏橙黃豐盈，用以拌飯好惹味。目前只有3間指定分店供應，分別在牛頭角、長沙灣和銅鑼灣分店，每日大概5pm出爐，想食到的街坊記得準時去搶啦！

• 供應日期：即日起至另行公布（詳情留意官方發布）
• 供應分店：牛頭角、長沙灣、銅鑼灣

更多詳請：超人燒鵝 兩餸飯熱賣大閘蟹！$45隻爆多膏 網民：非常緊貼時令｜外賣食乜好

• 餐廳：超人燒鵝
• 地址：香港銅鑼灣區堅拿道西10號地下2號舖（長沙灣和牛頭角另設分店）
• Facebook：超人燒鵝

回到目錄

–

港島區

大閘蟹套餐2022推介6.中環 都爹利會館 1星米芝蓮大閘蟹Tasting Menu

米芝蓮一星餐廳都爹利會館 (Duddell’s)一向受老饕推薦，今年行政總廚葉卡安師傅推出北海道大閘蟹菜單。蟹宴時令菜式包括清蒸北海道大閘蟹 (六両)、胡椒福果海參雞湯、蟹粉百花煎北海道帶子、蟹粉手工拌麵等。客人可額外加$636額外品嚐清蒸北海道大閘蟹 (六両)。 好酒的話，不妨加$588，即可享用特別推出的「蟹.黃.匯」黃酒配對 (四杯)。

• 供應日期：10月17日至11月24日

• 餐廳：都爹利會館
• 地址：香港中環區都爹利街一號上海灘三樓及四樓
• 電話：2525 9191
• Faecbook：duddellshk

大閘蟹套餐2022推介7.銅鑼灣「十里洋場」8道菜金秋大閘蟹饗宴 買1送1

銅鑼灣「十里洋場」推出8道菜金秋大閘蟹盛宴，饗宴先奉上開胃前菜淮揚四小品：金銀蛋蟹肉凍、杭椒南非鮑魚、醬香豬頭肉、話梅涼瓜，緊接著當然有重頭戲——清蒸大閘蟹！蟹蓋內蘊藏著金黃油潤的蟹黃，配上特調蟹醋更是一絕！而且還有十里蟹皇翅和多款用上矜貴食材的菜式，當中更有二人同行一人免費優惠。

• 供應日期：2022年10月1日-12月中旬

• 餐廳：十里洋場
• 地址：香港銅鑼灣區恩平道28號利園二期101號舖
• 電話：2338 5500
• Faecbook：10shanghai
• 備註：
  必須二人惠顧方可享用買一送一優惠(加一服務費以原價計算)
  1957 & Co. Loyalty Program會員(免費入會)可享「二人同行一人免費」優惠

大閘蟹套餐2022推介8.灣仔「BIFTECK」5道菜限定蟹宴！

BIFITECK推出以大閘蟹為焦點的五道菜 「Crabe à Mitaine du BIFTECK」嘗味菜單，逢星期日至四（包括公眾假期）供應5道菜限定蟹宴，客人可以食到江蘇大閘蟹，還有足料200克手工蟹粉、大閘蟹湯日本烏冬配牡丹蝦及甜蝦、大閘蟹配男前豆腐等，每一口都是滿滿的精華。

• 供應日期：即日起至另行公布（詳情留意官方發布）

• 餐廳：BIFTECK
• 地址：香港灣仔區皇后大道東202號QRE Plaza 23樓
• 電話：2246 8805
• Facebook：Bifteck HK
• 備註：客人須至少2日前預訂

回到目錄

–

九龍區

大閘蟹套餐2022推介9.尖沙咀瑰麗酒店 彤福軒 蟹鉗/花膠入饌6道菜蟹餐

香港瑰麗酒店彤福軒中菜今年都有推出大閘蟹菜式及大閘蟹餐，由行政總廚李志偉師傅主理。李師傅借鑒古法粵菜烹飪技巧，成創新傳統並融的中菜。大閘蟹的烹調方法十分多元化，包括蟹粉灌湯小籠包、蟹粉酥炸鮮蟹鉗、清蒸大閘蟹、蟹粉鳳眼果津菜卷、砂鍋蟹粉花膠條燴飯，湯品有無花果珍珠肉燉鷓鴣，甜品有姜薯糖水及薑汁紅棗糕。

• 供應日期：10月中旬開始供應，直至季節結束。

• 餐廳：彤福軒
• 地址：尖沙咀梳士巴利道18號香港瑰麗酒店5樓
• 電話：3891 8732
• Facebook：thelegacyhouse

大閘蟹套餐2022推介10.觀塘「星駿會」大閘蟹10道菜全包宴 平均$308/位！

位於觀塘的星駿會推出大閘蟹10道菜全包宴，可以一次過食盡清蒸陽澄湖大閘蟹24隻、蟲草花燉老雞湯、陳皮蒸鮮鮑魚、霸王蔥油走地雞等，每款食材都用料十足不而且很矜貴！餐廳分別推出6人及12人大閘蟹宴，最平人均$308就食到！

• 供應日期：即日起至2022年10月31日

• 餐廳：星駿會
• 地址：九龍觀塘區牛頭角偉業街93號 93WYS 6樓
• 電話：5392 6277 / 9585 3340（Whatsapp）
• 預約網址：KKDay
• 備註：
  購買方案後至少1日電致電餐廳確認訂座
  6位用：另收茶芥加一服務費$200（每枱）
  12位用：另收茶芥加一服務費$400（每枱）
  另加位數$360/位（餐費連茶芥加一服務費）

回到目錄

–

網上到會

大閘蟹套餐2022推介11.豐食FEAST 大閘蟹到會套餐9折優惠 人均$342！

除了實體餐廳外，網上到會一樣可以歎到高質大閘蟹中菜到會套餐！豐食FEAST推出6人用套餐，當中包括了6隻人氣必食的江蘇清水大閘蟹，更有多款特色蟹饌如龍井蝦仁、蟹粉獅子頭、蟹粉豆腐、生炒臘味糯米飯及薑茶湯丸等，在屋企或跟朋友開party都可以食到靚蟹！

• 供應日期：即日起至另行公布（詳情留意官方發布）

• 餐廳：豐食FEAST
• 預訂網址：豐食FEAST
• 備註：
  以上套餐需於2日前預訂，消費滿淨價$1000即可享免費送貨

大閘蟹套餐2022推介12.CRABTASTIC人氣大閘蟹＋海膽網店

CRABTASTIC於太湖擁有自家養殖場，外部引水均會經過淨化處理才用於養蟹，蟹膏更香濃馥郁，吃得安心。確保蟹於最清澈的湖水及最優質的環境下成長。此外店子亦有日本直送海膽及刺身，特選A級馬糞海膽、心型海膽、赤海膽等超過20款；其他海鮮有岩手縣米崎生蠔、愛媛縣吞拿魚赤身刺身、大間產野生大拖羅、甜蝦、螢光魷魚、珍寶帆立貝等，可以一次過來個大閘蟹海鮮刺身大餐！

• 供應日期：即日起至另行通知

• 餐廳：CRABTASTIC
• 預訂網址按此
• 備註：全單滿$1,000全港免費運

大閘蟹套餐2022推介13.天月庭 13款大閘蟹宴送上門

大閘蟹專賣店「天月庭」在香港共有 11 處自取點，除了提供上海清水湖大閘蟹外，亦有供應4-18位的超值蟹宴套餐13款套餐有不同份量/菜式選擇，套餐除有大閘蟹外，還有不少蟹粉菜式如蟲草花豆腐蟹肉羹、蟹粉皇炒飯、黃金蟹粉蒜蓉包、脆皮啖啖蟹肉長春卷等。最平4-6位套餐$1,400。每份套餐會隨餐點內容付送精美拆蟹工具包一份（包括：折蟹工具、紫蘇葉、蟹醋、薑茶），全部套餐均可追加大閘蟹。

• 供應日期：即日起至另行通知

• 餐廳：天月庭
• 預訂網址：deardeli
• 更多餐單請按此
• 備註：
  以上套餐滿$1,000 免費地面交收

回到目錄