【出街搵食】小店倒數 5月告別！大埔人氣芝麻糊＋客家糯米糍｜大埔甜品｜
撰文：ning 攝影：Scott
大埔友、客家人的心機芝麻糯米糍
坐在店門前密密包糯米糍的，是店主Bonnie，出世至今一直住在大埔，她是客家人，很想將家鄉小食客家糍粑（即糯米糍）分享給大埔街坊，從小看老一輩客家人做糍粑，見慣見熟，四年前開始自學研究，開了這個小檔攤，憑着即叫即包、每日鮮製的糍粑，在街坊口耳相傳下，成為區內人氣名物。
店子賣的甜品不多，只有客家糍粑、芝麻糊、豆腐花、紅綠豆沙，周末會多一款黑豆豆花，看似普通，但樣樣是心機之作。芝麻日日炒，每次炒足30斤，每晚收舖後炒好，焗一晚，翌日再用電動石磨磨出芝麻油香，用來做糍粑餡料和芝麻糊。而最貼心是，這裡所有甜品都是低糖，目的是希望街坊們食得健康。
煙韌皮薄 爆餡芝麻糍粑
店子人氣的客家糍粑（即糯米糍），日賣數百粒，全部即叫即包，糯米糰在店內即蒸，裹上芝麻花生黃糖餡，味道家常樸實。糯米皮香軟煙韌，皮薄餡多，焦香的芝麻餡夾雜粗粒花生，口感豐富。
一小糰糯米皮，三數下搓壓得薄薄圓圓，勺一大匙餡料，一摺兩摺三摺封口，手法純熟，皆因每日包足幾百粒。
街頭飄香 濃滑石磨芝麻糊
芝麻糊也是店內的招牌之作，是Bonnie跟一個老師傅學做的，堅持用回傳統石磨做法，黑黝黝的芝麻糊，每次打開蓋，香氣飄滿街，路過嗅到也會想吃一碗。
舀起撲鼻而來芝麻香，質感稠密細滑有光澤，味道清甜不膩，芝麻味道餘韻悠長。
黃豆豆腐花同樣用石磨磨豆，新鮮在店內即撞豆花，滑嫩細緻，入口即化，豆味香醇。
小店最後倒數 5月告別街坊 最新消息：6月同區新店再見
或許樹大招風，店子5月就租約屆滿，續約和租金至今仍然僵持，令Bonnie有了結業的打算。消息傳出後，街坊們又不捨又氣憤又擔心，甚至有人說要替Bonnie找舖位，助她另起爐灶。
＊＊4月更新：老闆娘Bonnie親證，搵到新舖位啦！新店會在同區街市熟食中心二樓，現階段仍在裝修，預計6月15日開業，街坊可以放心啦！而廣福道舊店則會營業至5月6日，想食的可以繼續支持！＊＊
街坊街里圍在店前食芝麻糊，是Bonnie眼中最有人情味的畫面。
談到未來去向，Bonnie說：「連日來都感受到街坊的支持和鼓勵，尤其很多公公婆婆，擔心以後食唔番這裡的芝麻糊。上天關了這扇門，總有另一道門會打開，嚟緊會去找新舖位，搵得到一定繼續做，一定在大埔！」加油Bonnie！約定你，日後再尋這股芝麻香。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
