即燒魷魚絲 +足料芋圓!! 旺角掃食指南|掃街王|

最新！ 旺角掃食指南

1. 戲院車仔檔魷魚絲

新開業小食店，取名夜市，寓意食物選擇多。主打功夫魷魚絲，店員紅姐舊日曾於戲院附近經營車仔檔，手勢俐落，不消幾分鐘，就把魷魚乾拉成近 60cm 長的魷魚絲，淋上秘製醬汁再燒香，香脆惹味，韌而不柴。

功夫魷魚絲 $18
外皮乾脆，鮮味突出，口感不像平常機製的死韌。（顯示地圖）

用的是泰國剝皮魷魚，做魷魚絲之前先燒香。

拉魷魚絲的力度要剛剛好，太大力會斷，太細力則會令厚度不一。

手拉魷魚絲，加上秘製醬油和辣汁再燒香。

熱辣辣避風塘大蝦

店舖另有多款小食，炸物中最搶眼的有避風塘大蝦、魷魚鬚，當然也不乏燒賣、魚蛋、腸粉等選擇。

避風塘大蝦 $18
下單時，大蝦會再以火槍燒香，灑上調味粉，香脆惹味。

避風塘魷魚鬚 $25

和藏桂林夜市
地址：旺角登打士街55號地下6號舖 （顯示地圖）
電話：2399 0828
營業時間：11am-11pm
備註：魷魚絲於3pm 後供應

2.台灣直送足料芋圓

賣開台灣食品的新台場，最近開設外賣店，綜合芋圓最吸引，可選仙草凍或剉冰作基底，集齊番薯、芋頭、紫薯 三色有餡芋圓，煙韌軟滑，還有紅豆蓉、抹茶果凍、芋頭粒等配料，勁豐富。

芋圓是包心餡，口感富層次，外皮煙韌，餡料軟滑，有淡淡芋香和番薯香。紫色和橙色的是紫薯、地瓜外皮配芋蓉餡。

每日鮮製，以秘製麻辣汁拌勻，雞肉份量頗多，肉質帶嚼勁，蔬菜爽脆新鮮，很醒胃。

同場更有即場烘焗的胡椒餅、芋頭酥、大腸包小腸、奶茶雪糕等小食。

大腸包小腸的酸菜、青瓜配料落得足，糯米腸口感軟糯，夾着彈牙、帶魚香的黑輪同食，口感豐富。惟略嫌大腸包小腸以黑輪魚蛋代替香腸，有點未夠正宗。

新台場台灣小食
地址：旺角廣華街1號仁安大廈地下24A 舖 （顯示地圖）
電話：2885 3080
營業時間：星期一至四 11:30am-10pm；星期五至日、公眾假期 11am-10:30pm

3.80s 懷舊立食店

店名改得妙，其實是炸物和滷味店。招牌炸髀，肉質結實，以薑、葱醃過夜，炸得外皮薄脆，咬下肉汁豐盈。滷味就以傳統滷水底撞瑞士汁，甜味中隱約帶花椒香，配手工啤酒又幾過癮。店內一室彩地磚，播着懷舊粵語流行曲，仿如回到80年代。

炸理雞髀 $25

溫泉玉子滷肉飯 $35

以蝦膠加墨魚膠打成，內裡釀滿車打和Mozzarella 芝士。乒乓波大小，外皮金黃，肉丸彈牙有鮮味，芝士香濃。

餐廳以立食為主，一室80年代氣氛，彩色地磚、80s 唱片封套，播着懷舊粵語流行曲，來懷個舊也不錯。
炸理滷味
地址：旺角砵蘭街147號祥興樓地下 A 舖 （顯示地圖）
電話：2788 2300
營業時間：星期日至四2:30pm-11:30pm；星期五、六1:30pm-12:30am

4.夏日消暑水果茶

珍珠奶茶飲到厭？不妨試試台式果茶，以獨立茶包如金鳳茶王、四季春、茉莉花沖調，原個時令生果切粒榨汁，不加糖水或添加劑，清新不死甜。保留果肉果皮的小顆粒，能解口中痕癢。掃街後飲一杯，正好洗去膩感。

同樣以茉莉花茶為茶底，甘甜清新，再配合青檸酸澀果肉，生津解渴。

茶底以台式茶葉為主，有金鳳茶王、四季春、茉莉花茶等等。每杯茶都以獨立茶包沖製。

溪羽之茶
地址：旺角弼街64號地下 A 舖 （顯示地圖）
電話：9342 0666
營業時間：星期一至日12nn-10:30pm
備註：果茶款式不定期轉換

5.得獎廚梳乎厘班戟

梳乎厘班戟，坊間一客至少六、七十元，這裡竟然賣 $29！廚師曾於二星餐廳學師，又在國際甜品大賽得獎，班戟難得沒有將貨就價，照用日本蛋，難怪吃入口蛋香濃郁，質感鬆化。另有七種口味可選，包括肉桂蘋果、木糠忌廉、芒果芝士等，單味 $34，雙味 $39。

有別於香港市面的款式，這裡的梳乎厘班戟是煎的，沒有用模具固定，所以形狀有點不規則。

雖然班戟賣相不是特別工整，但吃下口感鬆化，入口即溶，帶濃濃蛋香，絕對是水準之作。

潮食東京最新甜品拿破崙班戟

甜品近日也推出了日本最潮的拿破崙班戟 ，價錢一樣是$29。

酥皮超香脆，可以食到層層口感。榛子吉士醬濃而不甜，但較飽滯。檸檬吉士醬醒神開胃，甜味反而更突出。夾在中間的班戟，軟腍濕潤，跟吉士醬很匹配。整體感覺像甜品burger，似拿破崙多於班戟，非常飽肚。

酥皮前後分三次來焗，先高火使其膨脹，再用中火焗熟，最後以低火烤至脆身。至於吉士醬，就是由星級名廚 Philippe Leveille 相授的配方，低糖的版本濃而不膩。

至於班戟，用上意大利00麵粉，貪其質感幼細，牛油只用 brown butter ，也就是將牛油磚慢煮後，只取上層的油分， 油香更重，帶微微焦香，細微處見心思。

廚師 Perry，曾於二星米芝蓮餐廳 L’altro 學師，近年亦在多個國際甜品大賽如 Hong Kong International Culinary Classic 得獎，就連港大也曾邀請他為分子甜品開講座。

外賣店格局，只設少量座位。

I Love You Dessert & Bar
地址：旺角白布街24號藝興大廈3A 號地下 （顯示地圖）
電話：2612 2660
營業時間：星期一至四 3pm-12mn，星期五 3pm-1am，星期六 1pm-1am，星期日 1pm-12mn

延伸閱讀：