南記外賣紙碗「甩底」意外 食客被熱燙傷 官方回應唔夠誠意？ ｜飲食熱話

南記外賣紙碗「甩底」！事主險被熱湯燙傷

近日「香港米線關注組」有谷友分享了一則外賣意外，原文為「以後大家去食南記米線要小心啦！一拿起碗底成個甩咗，倒我一身！好彩碗湯沒有太熱，搽了燙火膏已好了！用呢啲劣質外賣盒，但係南記回覆的態度，只係一句抱歉不便，第二句就問單據問題！就沒關心過我有沒燙傷，以後會不會去改善等等！其實南記有冇諗過嚴重性？如果今次係碗熱湯，我可能要去醫院了」。南記外賣紙碗古惑「甩底」，事主被燙傷之餘，又覺得南記回應過於敷衍，難怪谷氣。

網民得知事件後，紛紛留言，大家都表示關心，慰問事主「保重」、「Take Care」，亦有不少網民也發生過同類事件「同樓主你一樣穿法」、「我都試過！好彩漏係膠袋入面，變左食乾撈米線」；不少人覺得南記回應不當「CS的確做得有問題，第一時間應該問候及安慰客人」，鼓勵事主投訴反映「其實同佢總公司反映睇埋醫生比番張單佢睇，我覺得可以叫佢賠償」、「一定要咁做，佢地吾改善，下次到人糟秧」；亦有媽媽好擔心如果小朋友係身邊會好危險「如果發生係我身上而BB又係附近，後果簡直不堪設想」、「小朋友食就好危險」。

南記正面回應，大家收唔收貨？

事後，本刊記者亦有向南記查詢該事件，南記回應為：

本公司非常重視每一位顧客的用餐體驗，我們一直與該顧客保持聯繫，並開動詳細調查及研究改善方案，在得悉此事後已作出以下跟進工作：

1) 當日我們立即安排更換分店相關紙碗， 及向相關餐具供應商查詢，避免同類事情有機會再次發生。

2) 向保險公司提出查詢，現將事件交託保險公司處理。

3) 聯絡外送平台，為顧客安排退款。 本公司感謝顧客為我們提供資料及寶貴意見，讓我們持續為顧客提供優質的食品與服務。

從以上回應，南記似乎之後有繼續跟進，為事主安排退款，亦有心改善外賣紙碗的問題，避免同類事情有機會再次發生。大家又覺得南記今次處理手法如何，夠唔夠誠意呢？