中環大館新開Gelato甜品店TOZZO｜甜品大師主理 意大利手工雪糕+爆餡忌廉包
廣告
中環大館新開一間雪糕甜品店「TOZZO」，由甜品大師Fabio Bardi主理，提供正宗意大利雪糕 gelato以及招牌意大利風味忌廉三文治，特設堂食座位，環境舒適，去大館遊覽又多個下午茶好選擇啦！
中環大館新開Gelato甜品店TOZZO 甜品大師主理
中環大館「TOZZO」是一間主打意大利雪糕的甜品店，由創辦人兼糕點主廚Fabio Bardi主理，他曾於米芝蓮一星餐廳Estro 擔任糕餅主廚期間，獲選「Tatler Dining Hong Kong」評選為2024 年度最佳糕餅主廚。店家主打經典口味Gelato、自家製忌廉包以及鹹點輕食，堂食座位舒適，有自然日光，亦有露天座位，氣氛好chill。
經典口味Gelato人氣開心果
經典口味Gelato兩球$50、三球$65，包括人氣開心果、士多啤梨、黑芝麻、朱古力、港式鴛鴦和柑橘沙冰等，記者最喜歡港式鴛鴦和開心果，味道香濃，質地幼滑，喜歡酸甜清新的就可點士多啤梨和柑橘沙冰，面層配以造型可愛的脆餅，供堂食或外賣。
爆餡！意大利風味忌廉三文治
TOZZO 的招牌美食亦是餐廳名字的由來 「Maritozzo」，一種以鬆軟的法國牛油麵包製成的意大利風味忌廉三文治，提供甜味和鹹味款式，甜味方面分別有原味、日本京都抹茶、朱古力，以及期間限定的時令口味，包身鬆軟，夾着不同風味的忌廉，口感豐富。鹹食方面，炒蛋牛油果鰹魚乾夾心包、夾心包配炒蛋及風乾豬面頰肉、龍蝦沙律夾心包配薯條等多款選擇。店家仲有供應意粉、漢堡包、三文治等輕食，配一杯美式咖啡，就可以chill足一日。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：官方授權圖片
