土瓜灣三多美食 兩餸飯餐廳每晚免費派剩飯！街坊長者優先
廣告
兩餸飯雖然平靚正，成為不少街坊、打工仔的恩物，但在一天完結後，往往都會有很多的食物未被顧客相中，最後作為廚餘送進堆填區。雖然好浪費，但也是無可奈何。而在幾天前，位於土瓜灣的三多美食在店內張貼公告，在每天晚上9：45後，把剩下的食物以免費的形式送給有需要的人士，此等善舉感動了一眾街坊和市民！
三多美食兩餸飯餐廳每晚免費派剩飯
三多美食位於土瓜灣北帝街27號，長久以來都係街坊同打工仔嘅經濟之選，$33就食到嘅兩餸飯，價錢實惠得嚟味道又不失水準！餐廳最近在店內張貼公告，「每晚9：45，有需要人士可自帶餐盒，免費自取淨餸」，相信這個善舉是想惠及一眾街坊長者，讓大家都享用到美味的飯菜，而餐廳又能減少浪費，一舉兩得！
餸菜嘅款式都非常多，每款都非常吸引！有新菜式的時候，餐廳更為在Facebook上告知食客！款式精緻、賣相引人食慾。
網民擔心：善心會唔會俾人利用？
美食竟然免費派！留意返，三多美食表明佢哋係想派比有需要嘅人士，特別係老人家們，而且希望食客自帶飯盒。網民見到之後，都大讚三多美食有菩薩心腸，但亦都有人擔心，並表示：「唔該真係有需要先去拎，唔好貪得無厭」，不希望餐廳的一番善心被他人濫用，令到真正有需要的人不能得到援助。雖然好難定義何謂「有需要人士」，但比得起$40買飯盒的話就留翻個機會比其他人吧！期望大家自律！
- 三多美食
- 地址：土瓜灣北帝街27號地舖
- 電話：56161212
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
關鍵詞
區區搵食
圖片來源：社交媒體
