Online 分杯羹 新食網搶住發圍＠Charmaine

上期Charmaine 解構了幾個新飲食app，其實飲食網站也在靜靜起革命。當中Foodnspot 和myCOOKey 更不約而同於半年前開始活躍於fb，前者是全英文網站，food news、專題、食譜、貼士乜都有，似乎比較雜碎，雖有21個專欄作家，不過近月已很少更新（咁快捱唔到？！）。myCOOKey 跟萬里屬一個集團，背後有大水喉射住，看來前景亮麗得多。它是食譜網，有過千個Recipes，網內則有火鍋、新口味臘腸、創意年糕、BBQ 等本地食界新事，都跟得幾貼。不過Charmaine 最睇好FOODCHIC，心水清的朋友應該還記得它吧？早年出版了幾期實體版月刊，食物相超有Concept，即使廚師相也別出心裁過人，由幾個香港人行家策動，但就做到好有外國雜誌Feel。近月在網上翻生，雖未見以往的Concept 靚相，不過Share food news的廣東口語caption 就好人性化，例如周五Long Lunch 好去處、日式Fusion 煲仔飯等情報實用又啱Timing，有時又寸下梁特咁，比CY 更貼近民情！究竟邊個飲食網會跑出？大家且拭目以待！