Mr. Pilot 愛情信箱 @ Mr. Pilot

愛情信箱 ：神女冇心，襄王有夢

「做機師，一定有好多空姐撲埋身啦！」大部分男性朋友都有這個幻想。記住，係幻想，諗下好啦！更常見的是，機師遇到身為空姐的心儀對象，最終卻未能贏得美人歸。

有空姐讀者訴苦，說曾經跟一機師食過頓便飯後，機師便展開猛烈攻勢。除了不斷用 WhatsApp 坳偈傾外，又常常企圖或試圖約會空姐食飯飲嘢。很可惜，空姐並沒有心動的感覺，機師卻因而變本加厲，竟然主動到機場接放工，希望野生捕獲空姐，令空姐不勝其煩。

在所有明示暗示都失敗後，空姐最終只好出動破壞力極強的必殺技：「我哋係冇可能㗎！」才成功將機師打發。

對機師信任程度不足

老實說，機師這份工作符合了大部份香港女性對男朋友工作的要求：人工唔錯，有時間陪女朋友，聽落去見得吓人等等。

很可惜，有不少讀者質疑飛機師男友/追求者的可信程度。可能因為他們工作時間不穩定，可能因為在機上他們可以名正言順地失聯，可能因為他們每次上班都會被空姐包圍，可能因為在外站他們完全冇王管，可能因為…… 是否太多疑點？

機師們是玩家這個印象在普羅大眾心中簡直是根深蒂固，女性的安全感自然比較低，便嘗試透過其他途徑（問我問題）去消除疑慮。講真，桃色醜聞，教師醫生文員司機高官特首都有。按此道理，其實只要係男人就已經信唔過，駛咩一定要係機師先？要睇人，唔好睇職業！

關於性傾向的問題

最搞笑的一次，莫過於有讀者第一句就問我多不多飛機師是同性戀者。當我回答說我不知道的時候，這名讀者竟然叫我假扮成同性戀者去打聽一下！你也許會以為這位讀者一定是男同性戀者，所以才對同性戀機師這麼有興趣。你錯了，問我的是一個女讀者！

早前都有故事流傳，說一名空姐認識一名機師多年，一直都有對他好感。最近再次一起飛，再次變成心心眼，故下定決心準備有所行動之際，才被其他空姐告知這名機師是喜歡男生的！

世界上最遙遠的距離，莫過於……