Hong Kong@沙漠飛女Marhaba

今日捉住老豆隻手走過綠樹林蔭,突然講起地。土地。照道理是人可踐踏、人皆共享的,但竟然真會出現生人霸死地 – 有一片大地必經若干次,但工程進度仍只一直維持在空殼屋、好似大富翁的屋仔模型得個殼一樣。老豆手指指作例子:”呢~~~呢D咪地產商投左塊地起吉屋霸佔等升值囉,你又唔可以話佢唔起呀,又真係有幾舊野晌度枒住。”

阿妹一開始還天真嬌以為在搭建甚麼鬼屋場境,原來是地產吸血鬼屋。聽就聽多了,但親眼目睹還是第一次。太得人驚了吧。世界實在太不公的場面原來真俯拾皆是,連自以為最安心可靠的海港也嶄露出狐狸尾巴。

機艙閒聊Top10應該包括世界各地樓價。有聽過東歐同事(國家忘記了)話十萬港幣都唔使就起到幢樓;而當阿妹告知香港最低消費百萬港紙,有要求的話甚至三四五六無限倍,她瞠目結舌:”哇呢筆錢!!!!!夠養活我們三世人打跛腳唔使憂啦!!!”跟阿妹第一次上地產網無聊搜得的震驚有過之而無不及。每每同事聽到阿妹來自香港都會盛讚 I love Hong Kong!(好些還屬豎起大姆指程度的真心)喂喂喂值得自豪架各位港男港女,因為據阿妹觀察,好少同事會零秒彈出一句”I love Italy!”或者”I love Bangkok!”。這小港真心巴閉,贏盡世界各地的like。雖然已經聽過無數咁多次,但每次阿妹依舊會沾沾自喜到飛上天。

然而風光背後,每天在外看到香港人自己打自己,拋錨定港的人少興風作浪的人多,解構不了原因之餘當然還有心痛。一直有一疑團 – 到底是少不更事,還是這海港真的變壞了呢?記得小時候做完功課便跑落樓下公園,跳繩踩車打球食雪條,夠鐘阿媽便獅吼功大叫上樓開飯喇!!!日子是平安的美好。或許是細個雪條吃太多食懵鳥,但現在從樓上俯瞰拆到只剩一碌柱的公園,還是有種不安的失落;有時回港閒逛,只是三兩個月不見,一麵家又真的不復見,那股被入侵的恐懼委實令人心寒。踏在這片地令我感到好陌生又見外,仿彿我只是個遊覽的過客。

於是現在每收到同事的一個like,表面笑開懷,心底裡其實為這小港暗悲傷:妳生病了,沒人問候之餘還要被人家誤讚妳氣息好。脂粉蓋太厚了,妳不是真正的快樂。

接二連三的大貨櫃車隊在路旁嗖嗖輾過,阿爸話前面在大興土木啊嘛,遲下d樹呀鐵皮屋呀都會唔見晒架喇。

我下一聲把阿爸隻手捉得更實,同時思索除此之外又還能做甚麼。