【3D拉花返嚟啦!!】治癒系咖啡!! 立體雞黃哥 Vs 杯緣子 Leo’s Espresso
久未露面的拉花大師Leo, 最近告知於10月1日, 在葵涌重新出發, 身為粉絲的我, 當然想第一時間支持…不過為何我半個月後才出現呢?
因為Leo’s Espresso於貿易中心內, Leo提醒我:「因為公眾假期, 星期日E度無人行, 中心連洗手間都閂…」那就真的麻煩一點…
Leo續說:「Cafe新開, 又未有宣傳, 無人行都開, 咁我訂晒D嘢, 就會好嘥, 所以暫時我哋只開平日, 每日19:00就關門」
Cafe主要賣輕食為主, 沙律, 蛋糕, 牛角包, 批及撻, 我叫Leo幫我發板, 任何食物, 只要你推薦就得, 因為醉翁之意只在你的拉花…嘻嘻
未提及拉花前, 不如先介紹一下食物…
可能心情興奮, 加上落地玻璃, 今日來的食物也很不錯, 最最最意外驚喜, 一定是「砵仔薯蓉三魚肉」($62)…
當初我們發現旁邊有鬼佬食得好滋味, 於是問問Leo…他說:「係呀!我開頭都未知咁好食…三種魚肉混薯蓉焗成, 魚肉香都不得了, 試過你就知」熱辣辣, 不腥又香, 難怪鬼佬食得一乾二淨, 舔脷舔不停.
第二樣我覺得好食的…火腿碎芝士牛角包($48), 暖笠笠, 又蕃茄, 又生菜, 包包的牛油味又香, 絶無花假.
還有木糠蛋糕, 用來送咖啡, 望住街景, 歎漫畫, 又或者睇日刻, 絶對一流一的享受.
3D拉花($45)全部由大師幫我話事, 驚喜無限…未到最後一刻, 也不知拉出甚麼公仔…
Leo一邊拉花一邊說:「之前跟前老闆意見不合, 所以今年農曆新年後就無再係Mikiki度做…」(無咗你…嗰間Cafe執埋添啦!!)
之後Leo重返了他出身的舊店工作,但因為那裡沒有3D拉花, 所以大師被迫封筆大半年. 所以, 我沒有得再試Leo的手勢, 失望了半年…
原來2015年Leo經歷了不同的店舖, 兜兜轉轉, 阻滯又困擾, 終於捱了大半年, 直至上個月, 工作才見到起色.
Leo說:「這間舖的老闆想找人頂手, 因為位置問題, 我見價錢商宜, 於是即時拍板, 終於一嘗老闆心願. (咁算唔算願望達成?), 係呀!我4年前開始做Cafe, 夢想就係做老闆, 相士都話我2016年起會有運行, 唔知係米呢…哈哈」(恭喜晒你!!)
登登登凳!! 今日我們的拉花隆重登場….人氣大熱蛋黃哥, 還要一次過4隻…「浪下浪下」, 我見到靚到暈的蛋黃哥, 我整個人都開心到「浪下浪下」
Leo說:「大南瓜, 小南瓜, 特別造畀你應節嘅!」(好似我同阿囝一老一嫩呀!!),大師即是大師, 封筆半年, 手勢依然超晒班.
之後阿太的一杯…最特別, 因為Leo見她不停與杯緣子左影右影, 於是就建議:「你老婆好鍾意E個女仔架…(我:係超意先啱), 3D我就未試過, 不過我可以畫比你太太」
太感動啦!!阿太一睇到, 即時大叫:「哎呀!你點知我差綠色系列架??好靚呀!」
因為我們的是朱古力, 所以乘托力較咖啡為差,不停影影影之際, Leo走來:「你哋杯南瓜死咗啦, 快啲飲啦…」
就在阿太與杯緣子大影特影之際…有小朋友在食蛋糕之際,竟然謀殺了一隻蛋黃哥…「你咁殘忍…殺死咗蛋黃哥」, SY:「小小啫…爸爸好好食架, 不如我「撩」多一個畀你食」(我唔食…我唔捨得)
不止杯緣子可以治癒心情, 原來, Leo的拉花比「金創藥」更有療理情緒的效果.
如果你有心事, 或者心情欠佳, 建議你一定要過來Cafe找Leo, 當你一遇上驚喜拉花, 真的煩惱, 苦惱通通拋諸腦後.
Leo’s Espresso
香港葵涌葵昌路51號九龍貿易中心2座B2
2779 1828
3D咖啡蛋糕套餐($70)
大仁生活facebook
延伸閱讀：
