3大呃Like旅攝題材@Travel佳

其實社交網絡興起之後，去旅行嘅表現方式，真係同以前好唔同。以前去個旅行，真係消失於人世咁㗎，返到嚟先慢慢同朋友分享。而家唔同喇，旅行可以好似直播真人Show，上到網就即時分享到，影張靚相Post Facebook，幾多Like就有幾多滿足感，所以影相嘅科技都愈嚟愈普及。

我Travel佳雖然唔係攝影專家，不過去得旅行多，都鍾意影下相，叫做有啲心得。有啲題材特別容易呃得多Like嘅，好似夜景呀、星空星軌呀，好受歡迎。當然啦，如果你有機會影到北極光，一張相過千Like不是夢呀。

夜景

講真，影夜景度度都得，鍾意喺邊度影真係任君選擇。我就Prefer熱鬧嘅城市，近近地例如香港、澳門、東京，遠啲梗係巴黎倫敦啦。呢啲大城市夜晚嗰種燈火璀璨、一片繁榮嘅氣氛，令好多攝友著迷。

星空

佢都係夜景嘅一種，不過就要荒山野嶺先影到。要去旅行影到靚星空，我覺得有兩個因素幾有幫助，一係要空曠，好似內蒙古呀、塔斯曼尼亞咁，一係海拔高，我喺西藏就睇過好正嘅星空，去到成海拔5,000米，啲星特別大粒㗎。

極光

要影到呢種神級天文現象，地點選擇真係有啲限制喇，比較多人識或者去嘅，首選係挪威、加拿大、阿拉斯加呢啲，早排忽然Hit咗嘅雷克雅未克都得㗎。咁影極光有咩要準備呢？攝影嘅知識同技術就梗㗎喇，仲有錢啦，因為多數係長線Trip，一定貴啲，而且同影夜景、星空一樣，記得帶腳架。

如果唔係Juno，我諗無乜人識雷克雅未克呢個喺冰島嘅地方，嗰度除咗極光，真係無乜嘢睇。

後記

呢幾類旅行攝影嘅題材，除咗本身要有一定攝影嘅知識，體力同器材都好緊要，因為真係有心搵呢啲景，多數都要攀山涉水。所以，一個可以防水防撞、好好保護你啲攝影器材嘅背囊，一支輕身又夠實淨，仲要慳位易帶嘅腳架，都係必需嘅。我唔敢話好有研究，但有用過Manfrotto，係意大利牌子嚟，有啲專業旅攝嘅朋友都讚好，性價比幾高，大家有興趣可以睇睇。

befree旅行者背囊