【3個月限定】1000隻 Miffy 陪你食鬼 Nicolas House @大仁生活
去日本旅行忙過返工,Nicolas house晚上八時休息,(咁鬼早閂門??), 所以今晚我們死趕爛趕, 終於18:30趕到…
(好彩日本主題餐廳唔駛排一, 兩個鐘頭隊, 如果好似香港咁, 真係死得)
Miffy 餐廳位於二樓, 一樓是小賣部, 男店員很熱情:「要唔要合照? (梗係要..但都想同你合照)」(好攪笑…他要求我們先落單, 之後才上餐廳)
走到樓上一推開門, 數百隻大大小小的 Miffy 排排坐, 笑咪咪的交叉嘴似向我們大叫:「 いらっしゃいませ」(真係未試過一口氣見咁多Miffy)
日本主題餐廳絶對無敵, 餐廳就連老闆也有一份使命感,造型有誠意之餘, 全場近千隻 Miffy 任玩, 任借, 任拍照…(香港呢…10隻公仔輪住借畀你, 已經皇恩浩蕩)
今日阿太瘋狂大出血, 她二話不說已經購入囝旁邊的黃帽 Miffy .
阿太笑到見牙不見眼說:「佢係E度特別版嚟架…(咁除咗佢頂帽, 仲有咩特別?), 無呀!同普通 Miffy 一樣囉」(吓?咁不如淨係買頂帽)
我問大廚兼老闆Nicolas是否很愛 Miffy ? 他說:「我鍾意兔仔, Miffy 係依3個限定, 之後11月就會搵其他兔仔主題, (咁會變咩?), ひみつ(秘密), 到時講你知」(會唔會係彼得兔呢?)
來自法國的Nicolas, 已經居於日本15年, 所以日文超流利, 而且經常上電視, 與不少明星合作, 阿囝一見到Nicolas與相葉雅紀合照, 即大叫:「VS嵐呀!」(失禮晒!! 佢E排瘋狂迷上ARASHI)
Miffy 樣的食物, 有鹹又有甜, 兒童餐的大頭 Miffy 飯, 配大牛扒, 大肉腸…
(如果配一個熱湯,會完美過E家嚟一個南瓜凍湯)
(哎呀!! 我唔小心整甩咗佢個交叉嘴呀!…慘慘慘. 橫掂都係, 於是索性玩改頭換 Miffy 啦)
如何30秒令白色 Miffy 變黑….只要將飯與牛扒互換, 再用肉醬塗滿雙耳….
黑珍珠立刻出現!! (得咗!原來有眼㗎, 不過太黑睇唔到咋)
Nicolas主張客人一定要帶上兔仔耳進餐, 店員, 客人都戴上兔耳仔…我總覺得我變了兔女郎. (係米應該跳番一Part性感士的舞呢?)
Miffy 扮(お化け)鬼的Puff, 簡直靚到想找一個透明盒封存, 每天限量200個, 雖然我食不出荷蘭朱古力, 與平時的分別, 但無論如何一定要一啖吞お化けMiffy入肚先夠滿足..
這個是下午茶定食, 售2160日圓, 因為那個忌廉布甸杯是可以拿回家留念的. Miffy迷的阿太:「淨係隻杯都起碼值800日圓啦! E個餐真係抵」(哦!妳話抵就抵啦)
我比較喜歡定食的普通雪糕, 多於 Miffy 頭雜錦雪糕杯, 因為這杯 Miffy 頭是酸奶味, 個人不太愛吃乳酪, 但一老一嫩則大愛特愛.
兩杯假, 一杯真…玩完回來的小朋友即時大叫:「嘩!係米一人一杯呀? (兩杯係假㗎)….吓?」最後一出手一摸便知龍與鳳啦!!
一層疊一層, 又有麵包脆餅、忌廉, 早餐片, 紅莓, 慕司, 啫喱都有三層…汽水味, 橙味, 連紅蘿蔔味都有. (真係震撼到得人驚)
今餐各有各享受, 阿太望實 Miffy 四萬笑容, 我望實相機芒不停影, 囝就不停跳上跳落玩氫氣球.(點解成間舖有百幾個氫氣球係天花板咁多嘅呢?)
Miffy 餐廳超正, 可惜只有三個月. ( 十月尾前, 舖頭咁多 Miffy , 如果賣唔晒, 會唔㑹2折大平賣呢??? 如果係, 真係飛多一次嚟掃貨都抵喎)
東京都渋谷区神宮前4-26-5 神宮前426ビル 1F・2F
官網http://www.nicolasusagi.com/?page_id=18
開催期間：８月１日（土）～１０月２０日（火）
Miffy餐廳點樣去??
JR山手線 原宿駅 徒歩行至KIDDYLAND商店對面, 行人天橋位置, 左轉再行2分.
