3個不可不知「手機先食」爆紅網路事件@新活時報MISS SUNNY

（Presented by Broadway）

「等等先！」而家人人食飯都係「手機先食」，每次開餐前指定動作梗係影完相放上網博like 啦！但個個都咁影，點先至可以拎到最多like？我就搵嚟日本熱爆肌肉偶像男團「Macho 29」、花心思食物拼盤、瘋狂大食嘅大胃王木下佑曄，話你知點先可以令人人click like！

1. 加入大熱吸睛元素

新鮮小鮮肉同爆肌大隻型男不嬲都係姊妹們最鍾意嘅hot topic，就好似日本熱爆肌肉偶像男團「Macho 29」咁，憑爆笑肌肉秀為咖啡廳、刨冰店及燒肉店做生招牌而大獲好評。

2. 創意擺盤圖畫料理

冇大隻仔都唔緊要，擺盤都好緊要！人人都愛美食，就以食物製作出唔同嘅圖畫啦！利用簡單食材創作萌爆擺盤，擺盤咁靚一定食得開心，咁搶鏡自然人人都俾like啦！

3. 內外反差出奇制勝

有時出啲特別嘅反差圖片反而勁有驚喜，更容易喺網路彈起！細細粒個胃可以擺幾多食物？來自日本、身形嬌滴滴嘅木下佑曄，上載瘋狂大食影片爆紅，得到一眾網民支持，更加瘋傳網絡，成為一時佳話！

後記：
其實post 相去各大社交網站都係想開心share、拎得多啲like，但記得熱食就梗係要熱辣辣咁食啦，影相之餘都唔好錯過美食時間呀！Joey今次就同「Macho29」班猛男一齊拍攝咗全新電視廣告，即play睇下呢3個「手機先食」爆紅熱話啦！

Video：
http://www.youtube.com/watch?v=SRvdbNGARyE