食麥皮唔一定瘦 食燒味都唔一定肥＠鄭萃雯

大學三年級VS現在

我一向體重不算重，但大學時的「腫」比懷孕時的水腫還要誇張，簡直是人生高峰。不過帶著這種「腫」，大學三年級時居然神奇地進了電視台報新聞！不起眼的醜小鴨變得很礙眼，連高層都忍不住當著面說了一句：「你好肥，唔該減肥！」於是開始我人生第一個減肥測試：食麥皮！

麥皮不瘦降

我試過連續一個月、每日三餐只吃麥皮。起初雄心壯志時，只用清水沖，幾日後已經吃到想作嘔，於是就用鮮奶、煉奶、豆奶、阿華田、好立克等等不同味道的東西沖。雖然是老老實實地吃足一個月，但結果是無．瘦．過！
後來營養師告訴我，雖然麥皮屬低卡路里的澱粉質食物，半碗乾燕麥片都有約130千卡熱量，何況加了致肥的高營養奶品，這一個月，我沒有進一步增磅都要偷笑！
所以減肥時的飲食，我認為首先要食物要多元化，太單一只會減低積極性，例如早餐吃清水麥皮加水果或低脂乳酪麥皮，午餐就吃切雞雞胸米粉，或者瘦叉飯走汁加碟菜，晚餐最好早早吃飯，多菜少肉就可以。營養師更提供小貼士，就係在每餐先吃大量菜「打底」，半飽後才吃肉和澱粉質，飯麵不拘，因為反而吃不多，吃到七分飽就停口。一、兩個星期可以讓自己食雪糕或食件Cake當獎勵也無妨，否則太過清心寡慾只會令自己提早放棄。

運動、運動、運動

的確「鬼唔知阿媽係女人」，不過實在無辦法，最終都要配合運動才能瘦得健康，才會令肌肉結實、身材玲瓏有致。
自問不是勤力的人，如何可以用最少時間達到最高效率？我也不算狂熱唔份子，一星期跑兩次步，每次約5公里，不多，但足夠提升代謝率，就算沒有運動的日子，新陳代謝較高都可以消耗多點。
另外再撥一日做circuit training，即循環訓練，緊緻肌肉線條。但我沒有跟教練，而是靠一個手機app「Nike Training Club」，裡面有大量針對身體不同部位的修身的動作，只需要花15至30分鐘，在家都做到，無藉口懶惰吧！

如此這般，幾年下來，慢慢就變瘦了，朋友笑稱我老公當年買中「仙股」，在我肥妹仔時買入，現在升值不少了！