食落肚嘅護膚品@Dining娜
廣告
（Presented by 潮福蒸氣石鍋）
歌仔都有得你唱「我的青春小鳥一去不回來」，女人啲皮膚依家唔揼本落去，唔通真係60歲先開始？身為女人嘅你哋唔知有冇同樣嘅經驗，有時又會覺得搽一堆護膚品反而好似愈嚟愈差咁；後來我知道其實皮膚散發出嚟嘅光澤感係需要由內而外打造，所以我今日就帶埋上次去event識嘅我的港女老婆caca一齊食好嘢，順便分享下我平時食落肚嘅護膚品！
潮福呢個蒸氣石鍋其實我已經食過好多次，同其他打邊爐完全唔一樣，係老闆喺雲南引進再加以改良先推出嘅，原理呢就係上層用380度嘅蒸氣蒸熟海鮮，好似南非龍蝦、大閘蟹、鮑魚、紐西蘭元貝等等，下層仲可以食埋個精華粥底添，唔止夠哂鮮味，仲少油少糖少鹽，夠晒健康呀！
首先嗌咗氣鍋野生海斑，落咗啲鮮枝竹令到啲魚肉更加滑，加埋猴頭菇滑嘟嘟咁，仲對腸胃好好添！中途老細認得我打咗個招呼，順便介紹咗個正嘢俾我哋食！
養生瑪咖美食
壓軸登場緊係好嘢啦，當歸東山羊、氣鍋清遠雞都係用瑪咖去蒸，聽老細講瑪咖仲勁過人參，女仔手腳冰冷、臉色蒼白嘅話，就一定要食呢個！
後記：
幾時都話呢個世上沒有醜女人，只有懶女人，其實補身美容呢啲邊有一勞永逸㗎；所以呢個冬天，想食打邊爐又想靚靚順便滋補下就記住嚟試下啦！caca嗰日仲拍咗個vlog，想睇真啲有幾好食就快啲去睇片啦。
