食痰記@陳細
話說中五謝師宴, 當年得十幾歲人, 自助餐只愛壽司炒雪糕, 然後同學端來三隻又黑又灰又濕漉漉的東西, 說「喂我屋企人好鍾意食但我見到個樣就想嘔, 今次一於一齊試下啦! 」就這樣, 少不更事三人組像在吃甚麼稀世奇珍一樣, 帶著驚驚地的心情膽粗粗放入口… 喂頂! 好腥, 好似食緊痰咁。
打後的日子, 每次見到佢地我都完全沒有想要吃的意欲。直到去年冬天在 saint malo 海邊渡假, 朋友極力游說之下我才衝破陰影, 嘗試人生中的第二次。咦! 點解唔腥嘅! 咸鮮當中又少少甜, 好滋味! 連由細到大對海鮮無感想的肥鬼都說嘩同細個食果啲唔同嘅! 從此變成粉絲! 呢啖「痰」, 咪就係講緊叫人愛恨分明的生蠔囉!
這個周末我們駕了四小時的車到海邊渡假, 就在法國其中一個最著名的養蠔港 – Cancale, 每年產蠔量達一萬五千噸, 吸引世界各地的愛蠔者來尋鮮。據說當年在凡爾賽宮 un un 腳的路易十四也指明要吃產自Cancale 的生蠔呢。這裡除了有養殖蠔, 也有野生的品種, 還有大名鼎鼎的世上只有的 pied de cheveal扁蠔 (標題那張圖!), 法文中就是馬蹄的意思, 真身比我的臉還要大!
單單是想到可以吃到新鮮的海鮮, 不再是巴黎街市那些死蝦死魚已令我開心得在車上大聲唱歌! 但到達後他沒有領我到那些叫人口水狂流的餐廳 , 反而是買一支小號白酒, 向著海灘走去(?????)。原來海灘的另一邊就是養蠔場, 潮退時一個個蠔床都露出來, 旁邊一排賣蠔的小攤檔, 即買即開即吃 (蠔販開蠔仲快過我打一個乞嚏)。 興奮地逛了一圈, 買兩打 No.1 和 No.0 (很大和超大的size), 開了酒, 在海邊野起餐來。好豪氣呀! 係鬼! No.1 和 No.0 分別是五歐和六歐一打, 甚至不夠平時吃個麥當當, 難怪旁邊的英國人要一口氣吃三打! 大家在海邊吹著風一邊吃喝一邊傾計, 一邊又把蠔殼扔到灘中, 好爽!
翌日臨走前又去買一轉, 想要把這新鮮美味跟鄰居分享, 賣蠔的姨姨知道我們要駕車回巴黎, 特別用海草蓋住啲蠔, 咁樣啲蠔就會以為自己還在海邊, 也叮囑回家後要把雪櫃的溫度調高一點, 因為牠們其實不喜歡雪櫃…… 這樣就可以放四到五天喇! 把相放上面書, 朋友都忍不住留言: 喂, 你宜家鍾意咗食痰喇?
著住鞋也必須小心奕奕, 怕被蠔殼割傷。
這分明是一個蠔的亂葬崗吧? 蠔販又說 : 讓它們變回養分, 滋養大海, 但不要掉檸檬! (但還是有人這樣做。)
facebook.com/crepes.de.france.and.alyse
instagram.com/alysechansaisai
延伸閱讀：
