飛行里數大時代 識得用其實好好用@杜遊珍
廣告
早前喺度講過飛行里數戶口被盜用事件，誰不知消委會啱啱又公布關於兌換飛行里數的投訴，其實阿珍身邊唔少朋友都話， 家陣廉航機票咁平， 死儲爛儲換機票好似好唔抵，Ofcourse，money is everything, loyalty is nothing! 講真，好幾個網站日日刮沙咁刮啲平機票優惠出嚟，靠飛行來賺里數當然唔再係大眾市民之首選，之但係平日碌卡碌幾皮嘢唔通換一球雪糕咩？里數始終係一種有價值的currency，識得用里數，其實好好用。
分散投資 換短途儲英航
港人最常儲的Asiamiles，食餐飯、搭機鐵都儲到里數，但兌換機票就不及其他航空公司划算， 例如香港來回台北為例，Asiamiles 要15,000里， 但同屬於寰宇一家的英航Executive Club，只需9,000里就可換領同盟的國泰航班； 又以日本為例，剛改制的全日空AMC 來回札幌只要17,000里，相比Asiamiles 要30,000里平近4成！最近新航同ANA 亦可以兌換旗下廉航用的現金券或機票，不過分散投資唔同會籍嘅風險係儲得比較慢，又要不時check 住里數幾時過期（ 話時話Delta 係唔會過期㗎，可惜佢已經唔飛東京！），所以阿珍推介用無儲分期限的信用卡，好似兜巴星呀、花旗參呀嗰啲，臨換飛前先兌換做里數，咁就perfect 池喇！（ 加錢換篋都唔check 下市價先換嘅，蠢咗投訴都無謂。）
