飛機降落唔夠 smooth？有原因㗎！@ Mr. Pilot

Sep 7 2016

一個機師技術有幾好，對乘客甚至空姐來說，其實只有一個指標：「飛機降落」是否完美著陸。如果 land 咗等於冇 land，完全感覺唔到，簡直就係神級機師啦。反觀，如果好 firm 咁落地，就算 Captain Cool 咁靚仔或者 Sam 哥咁有型，都會俾人歧視！

當天時地利人和時，我們也想降落可以 smooth 到感覺不到飛機落地那刻。不過事實是，某些情況的確需要一個正常甚至 firm 的 landing，反而強求一個 smooth landing 會更加危險！有甚麼情況需要這樣？讓我告訴你三個你以爲是硬著陸的原因（藉口）：

原因一：跑道短

降落是一門藝術，技巧需要因為環境因素而改變。可以肯定的是，從物理學的角度，要感覺不到落地那刻，飛機普遍需要使用更多的跑道距離。所以當跑道較短時，我們只會確保飛機安全著陸，而不會強求落地那刻的觸感。你寧可正正常常安全著陸，還是感覺不到落地那刻但其後衝出跑道末端？

原因二：下雨天

下雨會怎樣？跑道會濕滑甚至積水。跑道濕滑或者積水會怎樣？飛機較容易「跣胎」！因此，我們在降落時要令輪呔與跑道有確實接觸（positive contact），以免飛機在跑道表面水上飄。不過亦是這個原因，在濕滑的跑道降落，是最容易做到「land 咗等於冇 land」的效果。雖然乘客及空姐可能會十分讚嘆，但隊長就一定唔會囉。