領展赤柱廣場海濱狗狗嘉年華 5大必到checkpoints @Parent婷

(Presented by LINK’s Stanley Plaza)

香港放狗勝地就聽得多，但以寵物為主題嘅香港大型寵物嘉年華你玩過未？上星期日領展赤柱廣場就舉辦咗「海濱狗狗嘉年華」同埋「Doggie’s Got Talent才藝大晒冷」活動。我當然要去湊下熱鬧，順便帶埋屋企隻狗仔「豆豆」去開心下啦！

Checkpoint 1

寵物互動攤位 與狗狗即席寫揮春

一去到赤柱廣場，已經見到好多狗狗跑來跑去，氣氛非常熱鬧。廣場中心設有好多寵物攤位，當中有多個同狗狗有關嘅攤位遊戲同服務，俾主人同狗狗一齊參與，包括「狗狗讀心術」、「狗狗畫揮春」、「狗狗服從性測試」等等。「豆豆」都有即場畫揮春啊，靚唔靚先？

狗狗玩遊戲之餘，主人亦可以學到照顧狗狗嘅知識，仲可以帶埋狗狗去修甲、剪毛扮靚靚添！

Checkpoint 2

期間限定寵物市集搜好物

除咗攤位，美利樓地下嘅創意市集亦搖身一變成為以寵物為主題嘅市集。當中可以搵到大量特色狗狗產品，如狗狗衫、狗狗食物，或者俾狗主刻名嘅狗狗名牌。

可以同「豆豆」一齊shopping的確係難能可貴嘅機會！

Checkpoint 3

舒展筋骨 海旁狗狗樂活徑

寵物市集旁邊就係狗狗樂活徑嘅入口，難得同狗狗嚟到，當然要入去散散步一齊舒展筋骨啦！一直沿海而行，仲可以同狗狗一齊欣賞靚景。

樂活徑分為4個checkpoint，每個checkpoint都設有寵物休憩區，俾「豆豆」飲啖水休息一下。而且每個checkpoint都會介紹1個瑜伽招式，整條樂活徑共有4式Doga秘技，俾狗主同狗狗一齊合作挑戰，做出指定瑜伽動作，影相並上載至instagram，仲即可免費獲贈禮品1份添！

Checkpoint 4

慈善空中Café 狗狗專用Tea Set

行到攰攰地，我地就去咗赤柱廣場4樓平台休息下，同「豆豆」歎番個為佢地特設嘅Afternoon Tea。望住赤柱景色，同屋企人吹吹風歎Tea Set真係幾寫意！現場仲有啲障礙遊戲設施小遊戲，俾主人同狗狗互動，睇下狗狗笑得幾心！

Checkpoint 5

壓軸出場 狗狗界奧運會

最後當然亦不能錯過今次活動嘅重頭戲 — 「赤柱Doggie’s Got Talent才藝大晒冷」比賽啦！當中有唔同嘅項目俾狗狗挑戰，考驗平衡力、敏捷力同力量。比賽非常刺激，無論大狗定細狗都無絕對優勢，引嚟大批觀眾一齊欣賞呢場狗狗界嘅「奧運」啊！

錯過咗10/1精彩活動？今個周末16、17日仲有最後Last Call，而17日更有最大規模狗狗瑜伽班，超過250隻狗狗一齊做瑜伽，挑戰健力士世界紀錄^TM榮譽！一家大細仲可以搭大會貼心安排嘅寵物巴士接送往返，捐$40就有得坐喇！

領展赤柱廣場海濱狗狗嘉年華2016

日期：2016年1月16及17日

時間：下午1時至6時

地點：赤柱廣場

慈善狗巴士路線及登記座位：https://goo.gl/uUt8lt

人氣搜尋文章