雪糕火鍋3大貼士@Dining娜

講到飲飲食食，好多識食之人、識煮之人，都會話你知「不時不食」，當然係啱嘅。不過講笑咁講，有啲嘢係一年四季都可以隨時食，一樣係打邊爐，另一樣就係食雪糕！而且唔知點解，冬天明明好凍嘅時候，有啲人反而特別鍾意食雪糕（我就係呢類人啦），仲食得爽過喺夏天食咁，呢種現象，真係科學都解釋唔到㗎。

講到食雪糕呢，我諗好多人同我一樣，有得揀都係坐定定食Häagen-Dazs™㗎啦，唔係話成日食，不過偶爾同班姐妹去食個Tea，或者開Party，叫個雪糕Set返屋企，同Friend子Share，確實係幾開心嘅。所以呢，趁住天氣終於去到廿度以下，又等我嚟推介下近排Häagen-Dazs™有咩搞作啦。

1.又有新口味

Häagen-Dazs™雪糕嘅口味，係多到有時你都唔知點揀好㗎。我自己就有啲情意結，多數食冧酒提子同士多啤梨嘅，早排推出嘅皇室奶茶都唔錯，近排又發現咗隻新味：黑朱古力杏仁。叫得做Dark，佢比原先嘅朱古力味甘味重啲，無咁甜，而且加咗朱古力碎同香脆嘅焦糖杏仁，食落口感幾有層次，我覺得都幾正，而家好似堂食嘅雪糕火鍋都加咗呢隻味，記得試下。

2.一次食勻8個味

講到口味咁多，其實有無辦法一次過試勻呢？係有嘅，我有個「閨密」就好鍾意買Häagen-Dazs™外賣雪糕火鍋，貪佢味道款式夠多，叫兩三個絲打喺屋企搞個小聚會，咁就人人都可以試到好多唔同口味，幾好㗎。如果係一大班人，直情可以買個DELUXE Set，$598已經包括咗48個指定口味嘅迷你雪糕粒，淨係睇見都開心啊！

3.夢幻LE CREUSET火鍋套裝

今年Häagen-Dazs™仲同LE CREUSET合作（無論你煮唔煮飯，我諗都會聽過佢大名），推出全球限量嘅火鍋套裝。佢粉紅色嘅外表夠晒少女，加埋有LE CREUSET呢過名加持，一樣有齊48個指定口味迷你雪糕粒，$998套，LE CREUSET Fans一定話抵，不過要訂就快手，因為係限量版嚟㗎。