鍵盤戰士的旅遊神器@Travel佳

(Presented by Microsoft)

作為一個刀客，刀不離身係好合理嘅。而我阿佳作為一個旅遊Blogger當然都要機不離身，keep住同大家分享各種旅遊資訊啦！雖然而家手提同平板電腦都好方便，去旅行唔使下下帶埋laptop，但要打稿嘅時候，喺個mon篤下篤下，啲螢幕鍵又細又難撳，唔好feel得嚟又易攰。近排有個朋友就介紹咗呢個號稱鍵盤戰士必備嘅Microsoft萬用折疊式鍵盤俾我，體積細小方便攜帶，對於我呢啲成日喺外地打稿嘅朋友，簡直就係福音！即刻同大家睇下呢個鍵盤有咩咁正啦~

優點1 夠輕夠細容易帶

摺合式嘅設計，摺埋後長147.6mm，厚度亦只有5mm，都係同iPhone差唔多大細，去旅行帶埋佢hand carry都唔覺重！攤開之後長295.1mm加埋全尺寸按鍵組，打字自然同平時一樣咁爽咁快！

優點2 兼容多種裝置

不論你係用緊iOS、Android定係Windows系統嘅手機或者平板電腦，佢都可以透過藍牙連接得到，用咗佢之後就算咩系統嘅用家，打字都唔使再喺個mon度篤篤下。

優點3 裝置切換話咁易

鍵盤可以同時連接多部手機或平板電腦，撳個掣就切換使用，打緊文嘅時候轉去覆Whatsapp勁方便，夠晒multitasking！仲可以一邊用一邊充電，充滿後可連續運作3個月，去幾長嘅旅行都掂！

優點4 防潑水設計

打文嘅時候，往往都會飲番杯嘢嚟輕鬆一下，更何況去旅行飲杯靚嘢更加唔少得啦！當年讀書試過做assignment嗰陣唔小心打瀉杯嘢落部laptop度，成篇文連部機報銷。而呢件產品嘅防水設計，就唔使怕呢啲意外喇！

正所謂「工欲善其事，必先利其器」，對Blogger嚟講，有咗呢個萬用折疊式鍵盤，出文自然事半功倍啦！更何況阿佳我係旅遊Blogger，身處外地嘅時候，就可以輕鬆咁即刻將所見所聞打出嚟，假若靈感過咗，就唔可以將最好嘅資訊同大家分享喇！

Microsoft Universal Foldable Keyboard《萬用折疊式鍵盤》

詳情：https://goo.gl/Nbtahe