邪惡芝士流心西多士！滑嫩、鹹香 |荃灣有咩好食|
呢一日下午經過荃灣一間冰室，望一望下午茶嘅餐牌，咦！芝士西多士…唔止喎！係芝士流心西多士！！當然立刻入去冰室試下先。
望一望餐牌，平時單點芝士流心西多士就係＄23，而下午茶價錢就係 ＄28 但有一杯熱飲贈送！
主角到了！芝士流心西多士！面層放上厚厚嘅牛油同煉奶，望落已經很邪惡！
但當然呢件西多士嘅精髓，就係..芝—士—流—心！
一切開就係呢個畫面！芝士確實有流心不過都有唔少油呢～ 西多士色澤金黃，外層帶著微脆質感，而內裡亦都鬆軟。西多士亦都有蛋香，唔會過甜。部份牛油熱溶後味道帶香，芝士味道唔算濃，帶著微微嘅鹹香。
切成小塊嘅西多士，芝士味道唔濃不過質感頗為軟滑。整體來說，西多士本身還算不錯，但加上了芝士流心後，驚喜不大。
小小提示： 佐敦都有呢間冰室嘅分店，但係芝士流心西多士只限荃灣店供應。
