運動友新蒲點@運動祥

身邊唔少一齊跑步嘅朋友都對自己嘅跑步裝備非常講究，SKECHERS跑鞋亦係各跑友心中嘅首選！而早兩日經過銅鑼灣，發現SKECHERS旗艦店原來已經正式登陸香港銅鑼灣啟超道！身為運動迷嘅我當然要去朝一朝聖，睇下有咩大發現啦！

運動裝備全港最齊全
旗艦店嘅最大吸引之處除咗係夠大之外，最重要喺貨品款式往往最多最齊全。新開張嘅SKECHERS旗艦店亦唔例外，男、女、童裝產品種類堪稱全港最齊全！

特設小童專區
如果大家嘅屋企或身邊有喜歡跑步嘅小朋友，你一定遇到一個煩惱！就係極難搵到小朋友嘅運動鞋，即使喺運動店搵到，款式亦不多。不過SKECHERS似乎就深深明白呢個問題，仲特意喺旗艦店加設童裝區，童裝鞋款多不勝數，仲有親子裝俾各位大人小朋友選擇，家長同小朋友今次有排揀喇！

現場必玩自動試身機
相信各位都有買衫經驗，最痛苦過程當然係喺店舖睇啱咗5,6套衫，然後要入試身室逐件試啦！有唔少女生隨時一試就半粒鐘添！而SKECHERS亦非常新潮及細心地喺店內增設咗1部自動試身機，暫時提供SKECHERS x KYE限定聯乘系列衣服嘅自動試衫功能。大家只要揀好想試嘅衫褲鞋襪，企喺鏡頭前面就即刻可以見到著上身嘅效果！試身機仲會定時更換主題添！超方便又好玩，咁以後就唔駛攬住一大堆衫拎入試身室換啦！