越南簽證密密加 懶理廉航算把啦@杜遊珍
廣告
香港人對數字嘅敏感程度非常無定向，望住高鐵同第三跑道「 倒水式 」耗費千億天文數字愈來愈麻木，但係上落一百幾十嘅燃油附加費，就好熱衷喺臉書上面分享嗌「 搶錢 」，為咗配合大家嘅金錢觀念，今期就探討下剛剛加咗$60簽證 費嘅越南 Visa。
早 前阿珍獲邀飛去廉航直達嘅峴港，當地旅遊業界開咗個「 高峰論壇 」邀請同團港台旅遊業界發表意見，大家最關心當然就係「 簽證手續可 唔可以簡單啲呢？」其實有心去越南都預咗畀幾嚿水做簽證，可惜駐香港領事館個熱線電話長期被冷處理，次次打去都飛去錄音，真係令人好氣餒！對方都好有誠意地推介新增Online 申請落地簽證( 原來峴港機場都可以做到 )，唔計排隊、手續時間約十五分鐘唔算太耐，價錢仲平啲！
客 客氣氣寒暄、奔奔波波考察，返到香港忽然收到消息，今個月開始越南領使館申請 Visa 費用由 $580加價至 $640，低調加價、去到先知！睇返近年加價走勢，就算發生過排華暴亂，加幅都唔見放緩，雖然今年有兩間廉航分別飛去河內同峴港，當地消費出名經濟實惠，但係門檻一再推高，又真係幾令人卻步囉！
2014年中爆發 反華暴亂,一口氣 取消十日旅行團, 簽證費用維持 HK$580
2015年兩間廉 航先後插旗,簽 證於暑假旺季前 加至 HK$640
貼士:網上預先做簽證,落地平過領事館代辦!
簽 證 費 U S $ 4 5 + 手 續 費 U S $ 1 7 = U S $ 6 2( 約 H K $ 4 8 4 )
網址 : https://vietnamvisa.govt.vn
備註 : 不設找續,記得預備美金散紙!
