買還買其實都可以諗多少少@陳細細
一月和六月, 必定會在地鐵站看到此圖, 是 Lafayette 的大減價廣告
Les Soldes 最開心當然係我此等窮鬼消費者, 我說這是 “shopping therapy” 的最佳時間! 減價前已上網睇定catalog, 比我更誇張的還會去試定身一減就馬上搶回家 。這幾星期又睇又試又買一堆一堆靚衫靚鞋, 突然感到精神疲勞, 「很想要」和「很需要」這個老土的思辯早已被現代人忘得一乾二淨, 甚麼時候開始, 購買行為成了休閒節目的主流? 時裝由一年四季到六季, 超低價 fast-fashion 更是兩個星期換一次畫, 中間所製造的龐大浪費, 污染和第三世界廉價勞工問題是我們買到心頭好, 好鬼 high 時未必會想得到的。大家有沒有想過各大品牌當季賣唔出的蟹貨最後會去左邊? 如果是一二線名牌, 尚有機會去到自家 outlet, 咁無 outlet 的品牌比如 fast-fashion 呢? 會-銷-毀-變-回-布-碎-。於是你看到 H 字頭連鎖店近年落力做環保呀, 回收呀, 可持續發展原材料等等項目, 想個形象 ethical d 囉, 你買果時罪惡感又無輕 DD。聖誕節前我在 H 店男裝部買了一對尤達大師造形的室內拖鞋, 都不禁問左自己一下, 近來 star wars crossover 項目多到數唔哂, 一頭半個月後熱潮減退, 各大品牌賣剩的衫衫褲褲, 點算?
H 店的 crossover 系列
再者, 若作為一個設計師, 一年要做六個 collections 都咪話唔 chur ( John Galliano 當年因為要兼顧 Dior 的成衣及高訂系列, 還有個人品牌就曾創下一年跟足 12 個 collections 的過勞紀錄), 設計師恐怕也分不出太多的心神跟靈感去創作驚天地泣鬼神的作品。而我們亦不再如以往容易地買到又靚又襟洗的衣物, 因為廠家預你著一季, 甚至一次就掉。
Fast-fashion 模式瘋靡半個地球, 而背後其實都是那幾個大集團。世界另一邊的法國, 咁都有唔少普羅大眾仍默默地「守舊」, 身邊不少法國人都情願用更多的錢去買好品質好設計和 made in france, 而不肯著洗一次就 “where” 的不知明染料次等品, 買少幾件劣品換來一件優質又夠 classic 的冬季大衣, 著上十年二十年完全不是問題, 我剛剛從奶奶手上接獲她二十幾歲時買的大皮褸, quality 好到, 個 tag 是人手一針針 zigzag 上去的, 也解釋了為何古著從來沒有退熱過, 而標磅獨立設計和原創性的實驗品牌亦一直在巴黎街頭小店和網路上努力著。相信做設計的, 也希望見到顧客珍重他們的作品, 甚至有機會被好好收藏, 給予作品銀碼不能表達的價值。
你與我作為最富有的 30% 人口, 又買新衫的同時, 不如也為世界想多一點點。(所以, 既然浪漫到震的 70s 旋風式地回來了, 最抵玩當然是…… 快快去打開媽媽的衣櫃啊!)
Tim burton 的舊作 Dark Shadows 背景正正設在今年猛吹的 70s, 入面的戲服拿出來就可以靚靚出街, 有理由相信 Gucci 的怪雞 designer 將套戲重睇又重睇, 亦相信大家的媽媽總有珍藏一兩件差不多的。又, 此戲之 costume designer 是絕對唔惹少的oscar winnerColleen Atwood.
Images from internet.
Featured image credited to Tim Mitchell, 2005.
facebook.com/crepes.de.france.and.alyse
