親，伏味濃！淘寶特色旅遊團＠杜遊珍
廣告
阿珍身邊個個朋友都有淘寶，買嘢平一截，淘衫淘鞋不在話下，之前有位膽生毛姊妹A 夠膽死淘咗個泰國當地一日團。話說佢用350蚊人仔參加三百蚊住至潮酒店！| 布吉 |一日團，包酒店接送、午餐兼兩次浮潛，價錢跟當地旅行社差唔多，但勝在有中文導遊。去完之後，佢完全無投訴，仲話有下次、要推介畀阿珍；姊妹A 仲話淘寶上見到林林總總特色旅行團，又達人帶路，又做美人魚，睇落都幾吸引，想挑戰一次。阿珍聽完當堂嚇到個心離一離，如果貨不對辦，外地一日團最多咪蝕幾百，但跟同胞做團友一齊把臂同遊外國喎，會唔會太辛苦啊！我有因為姊妹呢番話上淘寶睇下，呢啲團其實包含唔少隱藏條款和額外收費，有團竟然要收貴香港人¥1,000 ！最重要遇事難追究，機位取消隨時無得回水，見到有客留言投訴被漏咗喺景點大半日先有人接返。阿珍就唔想為慳嗰少少去個旅行，最後要用「自己方式」返香港囉！
伏味濃旅行團！
包你做美人魚
無諗過除咗周星馳，真係有咁多大媽想變成一條美人魚！呢個帛琉2天出海團， 潛水、玩沙灘、睇魚、食海鮮都唔係重點，重點係送埋美人魚套裝，等大媽們擱淺喺沙灘慢慢擺甫士影相，哇！諗起就興奮！
帛琉2天出海團
費用：¥ 1,780/HK$2,111
包括： 2天午餐、酒店接送、來回快艇、浮潛
裝備及教練、司機、船員費用
淘寶店：愛Ｘ旗艦店
請埋龍友跟拍團
自稱「旅攝達人」和「黑超潮人」導遊帶團，沿途邊遊邊拍大陸Style寫真，旅程完畢仲剪埋片畀你，我諗無人會敢share呢輯相囉！最頂癮係句Tagline：「除了好玩什麼都不會發生」，原來殘體字識得讀晒都未必明佢sell乜！
香港出發6天5夜曼谷團
費用：¥2,699/HK$3,203（港澳台籍需另加¥ 1,000/HK$1,187）
包括： 阿聯酋來回經濟客位連稅、5晚4星級酒店、當地交通、
飲食和保險
淘寶店：深圳美ＸＸ下旅遊
延伸閱讀：
#RIPKA 港龍圓寂的4個感想 @杜遊珍
機上食好西！ 自備飛機餐貼士＠杜遊珍
