覓食中環蘇豪區4大心水@Dining娜
嗰啲什麼上車攻略就教人去少幾次旅行，慳錢買樓，但啲飲食節目就話你知出埠有咩好食，有時都幾矛盾。不過香港有樣好，乜嘢地方嘅好嘢都食得到，特別係中環蘭桂坊啊、蘇豪區一帶，唔好以為得個貴字，其實有唔少質素好嘅餐廳，環境、嘢食、服務都幾掂，而且價錢親民，物有所值㗎。況且喺呢區食完飯，落樓有咁多酒吧，一邊繼續同朋友傾下心事，一邊欣賞下「風景」，我意思係男士可以睇下靚女，我哋女士們又可以望下大小鮮肉，呢種飯後娛樂，肯定好過糖水直落，係咪？好啦唔講咁多廢話，我Dining娜最叻唔係揀男朋友，係揀餐廳，即刻推介番幾間心水先！
如果我就咁講墨西哥菜，你未必即時諗得到係食咩嘅，但其實呢類餐廳對香港人嚟講絕對唔陌生，多數人都試過，而港島區可能因為外籍人士多，墨西哥餐廳都比較多。Cali-Mex係我幾鍾意嘅一間，唔好睇佢係連鎖店以為嘢食麻麻，有誠意㗎人哋。Burritos同Tacos一定要食啦，Filling有肉、菜同海鮮可以揀，花款好多。我就鍾意佢嘅調味，保持到墨西哥嘅熱情（即係辣）之餘，口味調校得幾清新，好開胃。未試過嘅朋友可以試埋Churro，係一種喺歐洲同南美幾流行嘅小食，簡單講係炸麵粉條加玉桂粉、朱古力咁，味道偏甜，當飯後甜品相當唔錯㗎。
地址：中環蘭桂坊7號地下（顯示地圖）
電話：2904 7855
網頁：cali-mex.com
四川代表
Chilli Fagara
介紹呢間餐廳，一定要由環境開始講。火紅色嘅牆、深色木檯櫈，加埋唔同嘅四川變臉面譜，未開始食你已經Feel到熱血沸騰咁，係好正嘅室內設計。至於嘢食呢，係好純粹嘅川菜精髓：麻、辣、燙。而且用嘅材料全部都好新鮮，經過令人食上癮麻辣秘方烹調之後，仲可以保持到材料原有嘅風味，真係好正㗎。
地址：中環奧卑利街7號地下（顯示地圖）
電話：2796 6866
網頁：www.chillifagara.com
泰國代表
Soi 7
呢間餐廳最吸引我嘅地方，係佢嘅位置。喺雲咸街比較靜嘅地段，真係旺中帶靜嘅Feel，加埋充滿東南亞風情嘅裝修，係食嘢食埋環境同氣氛嘅首選。另外，佢哋嘅泰國料理除咗味道正宗，喺用料同調味呢啲細節上，都做得好好，加上精緻嘅Presentation，可以話係非一般泰國餐廳。
我諗希臘菜喺香港，都算係幾冷門，比較少餐廳用呢個做主打。Souvla嘅裝修唔係希臘藍白小屋嗰種可愛浪漫，紅色同深藍嘅配搭，反而俾到人典雅又溫暖嘅感覺。希臘菜嘅主角離不開肉類加乳酪呢個無得輸嘅組合，肉煮得濃郁，乳酪酸酸甜甜夠清新，可以平衡油膩。而呢度嘅出品，更加係我喺香港食過嘅希臘餐廳之中最精緻嘅，絕對值得一試。
地址：中環德己立街40號好利商業大廈1樓（顯示地圖）
電話：2522 1823
網頁：conceptcreations.hk/souvla/souvla-lan-kwai-fong
覓食貼士
其實蘇豪區同蘭桂坊又點止咁少好餐廳啊？仲有好多都值得試下，而且近排用DBS信用卡幫襯嘅話，可以喺好多指定酒吧及餐廳享受到全單85折、全日飲品Happy Hour優惠及買1送1等等，全部都好精彩，想知多啲就自己上網睇下啦：www.dbs.com.hk/personal-zh/promotion/xmas_LKF-zh
（此外，於DBS信用卡Facebook專頁大玩互動遊戲，更有機會贏取超過HK$5,000餐飲禮券，立即參加吧！）
