西九全新食遊熱點﹗周末下午好去處美食+消閒@Dining娜

Dec 6 2018

(Presented by Square Mile)

大角咀一直都係九龍鬧市的hidden gem，距離旺角相距10分鐘步程，靜中帶旺。附近又有舒服好hea嘅西九文化區，最近區內仲開咗個新商場，唔單止有唔同類型嘅特色美食，不時仲有市集同展覽，絕對係周末下午最新好去處。

今年開幕嘅利奧坊，毗鄰奧運站，距離旺角亦只是十分鐘左右，交通便捷，最啱約朋友食飯行街。

聽住live music食fusion 菜

當中我最鍾意呢間食多國菜餐廳，唔單止食物夠健康，賣相仲好靚。佢哋推出咗一個淨係周末下午先有得食嘅menu，當中用奇亞籽做嘅奶凍，加咗鮮果同朱古力，望落去夠colorful，朱古力混合香甜椰奶，大人細路都鍾意。餐廳仲有意粉、扒類、all day breakfast等不同fusion菜色，最啱假期同friend嚟食下tea，夜晚仲有live music show，咩類型音樂都有，嚟之前記得上佢哋Facebook 睇定節目內容喇。

Lost Stars Livehouse Bar & Eatery
地址：利奧坊G506號
電話：2337 6728
營業時間：星期一至日12nn-2am

奇亞籽早餐布甸配椰奶-佐香蕉、朱古力及雜錦野莓$98
(只限星期六、日及假期下午供應)

香滑法式炒蛋配泰國蘆筍及自家煙燻三文魚佐檸檬蒜蓉蛋黃醬$98
(只限星期六、日及假期下午供應)

餐廳中間有舞台，一星期六晚都準時有live music show，為你的晚餐增添不少娛樂。

罕見雞叉燒

如果鍾意試新嘢，就要食吓呢間居酒屋。主打關東煮嘅居酒屋已經很少見，近廿款關東煮美食以剔紙仔方式點菜，鍾意邊件就點邊件，件件十零蚊有交易，食多咗都唔肉痛。餐廳嘅日籍總廚伊藤師傅仲特別炮製「雞叉燒」做招牌拉麵。平時食慣嘅拉麵叉燒比較肥膩，呢度用嫩滑雞肉做叉燒，配上加咗薑嘅清湯底，味道比較清新。唔止呀﹗串燒都一樣做得好好，用備長炭燒好後，上枱時用細炭爐保溫，一邊同朋友飲住清酒吹水，一邊慢慢歎，傾耐咗都唔怕串燒會凍﹗

東京大眾酒場
地址：利奧坊G504號
電話：2347 0702
營業時間：星期一至四 12nn-3pm、5:30pm-10pm；星期五及星期六 12nn-3pm、5:30pm-12am；逢星期日及公眾假期休息

特盛雞叉燒溏心蛋鹽湯拉麵$78

黑豚腩$18、煙肉露筍串$18、大蔥雞肉串$12、牛舌$25

有特設的關東煮櫃位，人客可以親自挑選喜歡的食材，再剔紙仔落柯打。

日本風格的裝修，牆上的巨型壁畫，亦學足傳統居酒屋以汽水箱疊高來做桌椅，很有氣氛。