美白沒有極限︳5個令你愈來愈白的冷知識@美容婉

text：美容婉 photo：Sing、網上圖片

就算平時做嘢有幾忙，一到夏天點都要去個短途透透氣。要relax陽光海灘都一定走唔甩，意味住我地嘅白滑肌膚要經得起「曬」嘅考驗～相信一眾ladies都曾經試過「去旅行->曬黑->美白->去旅行->曬黑->美白」嘅循環，但隨住呢個無限loop，色斑、毛孔都可能會加深，聽落都得人驚～

其實美白呢啲嘢係無極限㗎，夏天唔做幾時做呢？為咗避免曬黑曬傷，瘋狂補防曬是常識吧！以下嘅5個美白冷知識你就一定要知，令你去到邊都可以繼續美白！

第1：唔曬就唔使用防曬？

冇太陽是咪就代表唔使搽防曬？其實無論室內室外，紫外光其實係無處不在，出街記得記得記得搽防曬，懶得補嘅話，帽、防UV遮都係防曬良品！

第2：檸檬水是美白好朋友！

維他命C可以幫助美白就個個都知，而檸檬就含有豐富維他命C，切幾塊放入水到，美白同時為身體補充水份，清除身體多餘毒素！

第3：充足睡眠！

夜瞓絕對係美白嘅大敵！夜晚係皮膚最好嘅休息時間，瞓得好會加快皮膚新陳代謝，可以幫助美白，抖足精神出去慢慢玩！

第4：美白第一步竟然係清潔？

吹海風、空氣中塵土、風沙都容易令角質層變得過厚，肌膚唔夠剔透，亦都減低護膚品嘅吸收能力。但因為曬後肌膚會變得脆弱，所以要記得用溫和嘅潔顏產品，好好呵護自己！

第5：保濕同美白分唔開！

原來飲飽水嘅肌膚先可以令美白產品快速滲透，所以可以選擇啲保濕同時美白嘅化妝水，發揮更強的美白修護力！如果有小小雀斑，用美白化妝水濕敷，仲可以減淡雀斑添！

後記：美白，最緊要持之以恆！

美白最緊要記住一個無限loop：代謝>擊黑>透亮>還原>防護，首先促進肌膚嘅角質代謝，改善黑色素沉澱，激走面部暗啞！最後，記得要搽防曬，咁就搞掂啦！