空姐加人工減黑絲？! ＠杜遊珍

Apr 3 2016

被國泰全資收歸嘅國泰港龍勞資雙方傾掂數，今年薪調幅度睇齊，空姐空少齊齊加人工4%，資方仲「大方」承諾每年半提供5對40針高質絲襪畀空姐們，工會就話仲有幾項福利未肯答實，但整體尚可接受。一眾空姐姊妹就好似未太飲得杯落，佢哋就呻，以往港龍新入職時，公司會一次過畀18對絲襪，但新措施下，入職只派5對，之後每年半先再有5對新襪，計落數量少咗喎，估唔到公司會慳埋啲婆仔數！空姐X 大叫有苦女人知，話機上工作繁忙絲襪好易勾爛，每年最少要用半打至一打絲襪，睇怕要貼錢打工喇。唉，其實制服哀歌點止呢單，仲有華航甩色鞋、維珍紫紅妝，慘慘豬啊！

國泰港龍沿用紅黑制服，有意無意同國泰紅服Blend-in，仲繼續齊齊黑絲。