【程仔真鬼馬】Paris求婚之旅晚餐篇(上)@為何斯德哥爾摩沒有譚仔三哥

話咁快我就做咗準人妻成半個月喇，不如同大家分享下我地係巴黎求婚成功後，當晚食左D咩啦！

當晚我地例牌又去咗間法國餐廳，點咗個海鮮拼盤。
等我同大家逐樣逐樣解構。

1.生蠔

有睇開我嘅朋友都知道我係個生蠔怪，嚟到法國就當然要「隊」吓法國生蠔啦。
而家開始凍，鍾意食爽口生蠔嘅你就趁好時晨食多D喇！

2.大隻肥蟹

隻肥蟹好L肥，D膏多都爆出嚟，不過味就唔夠大閘蟹咁正。
一個人食半隻都已經飽死，鍾意食淡淡肉嘅朋友啱哂。

3.奇型怪狀小龍蝦

兩隻當中係有一隻好好味，另一隻就霉霉地（就係身上有督野果隻，我好後悔食咗）。
嗯，果然講到小龍蝦都係唔夠瑞典果D好食。

4.小海螺

幾好丫，幾有味又唔韌。
不過食嘅時間請小心，唔好食埋佢後面果包屎，有人唔小心食咗不過我唔話你知邊個。
（利申：我冇。）

今集講住咁多take個break先，下集同我一齊繼續餓住睇。

延伸閱讀：

【絕望真相】瑞典 vs 香港 – 數字 便利店 篇@為何斯德哥爾摩沒有譚仔三哥

【南法之旅】唔食對唔住自己- 海鮮 篇(上集)@為何斯德哥爾摩沒有譚仔三哥

【南法之旅】唔食對唔住自己- 海鮮 篇(下集)@為何斯德哥爾摩沒有譚仔三哥