【程仔真鬼馬】Paris求婚之旅晚餐篇(下)@為何斯德哥爾摩沒有譚仔三哥
話咁快我就做咗準人妻成半個月喇，不如同大家分享下我地係巴黎求婚成功後，當晚食左D咩啦！
當晚我地例牌又去咗間法國餐廳，點咗個海鮮拼盤。
等我同大家繼續逐樣逐樣解構。
5.生蜆（sor9，掛住食冇影到特寫，非常之唔專業）
呢個好好味㗎，海水味好重，而且細細隻放入口唔會覺得核突！
生嘅蜆其實都幾唔常見，如果大家唔怕腥一定要試呀！
6.細細隻蝦
未食入口我地仲以為D蝦係腌過先咁嘅色，食過先知原來佢地只係天生皮膚黑。
味道同普通基圍蝦差唔多，又唔係特別鮮甜，而且仲頭大身細搣餐死。
如果你唔係前世未食過蝦，唔建議你叫。
7.龍蝦
頂，成隻比程仔食咗，應該好味掛。
當晚咁啱隔嚟台對老夫婦個老公生日，尷尷尬尬之下傾咗一陣。
當我傾到唔想傾之際，呢味士多啤梨千層酥啱啱好送到，將我係尷尬氣氛之中拉番出嚟。
好味好味好味)))))))))))))))))))))))
