直擊香港隱世 Resort !!! 平民價豪歎星級人在野!

Sep 28 2016

(Presented by LONG COAST SEASPORTS)

經濟唔好，銀根短缺，出國旅遊下下計住計住好肉赤！唉，查實旅遊講心唔講金，識玩的話，留港消費一樣係五星級假期！最近我 Travel 佳就發現一個香港隱世絕境，水清沙幼兼賞 180 度無死角日落美景，夜晚有無光害星空陪你入眠，全程仲豪食西式燒烤、潮住南非露營屋⋯⋯人均消費只不過係幾嚿水，最適合一家大細 weekend 避世叉電！

無光害！賞四十年來最大滿月

講緊的，之唔係位於大嶼山浪高長岸。這裡水上活動出晒名，滑浪板、人體沖浪板、印第安獨木舟、滑浪風帆⋯⋯應有盡有，但其實這裡地理位置優良，初秋微涼唔想落水，一樣大把野玩！

浪高長岸位於下長沙，正對 180 度無死角、水清沙幼的頂級海灘。最厲害的是建築物坐東向西，秋冬時分日照短，撞正天氣好，就會看著金黃色的夕陽徐徐落入海平面，靚到暈。

大嶼山是少數沒有光害的樂土，自然是觀星勝地。唔好話 Travel 唔提你，今年天文台一早預告 11 月 14 日將會是近四十年來最大滿月，而 12 月 15 日仲有雙子座流星雨！上官網 Check 過仲有空房，仲唔即刻 facebook inbox, email 或者電話想預約？！

低過成本價！嘆紐西蘭西冷扒、美國凱撒沙律

初秋漸近，BBQ 是常識吧。Travel 佳就建議大家加 HK$200 幫襯 BBQ PACKAGE。原價三百幾，依家住客可以六折購買。千祈唔會以為係港式頹燒烤！呢度用西式燒烤爐，夾下夾下就輕易烤出牛扒坑紋，既能鎖緊肉汁，又能保留原始炭燒風味，抵讚！食材一樣有誠意，厚切紐西蘭西冷牛扒，來貨價已經過百蚊！又好似凱撒沙律，用上美國羅馬生菜，好揼本。仲有本地魷魚、德國大肉腸、豬排骨、法包等等，一定回本！