澳門氹仔歎中菜@Dining娜

撰文：Dining娜　攝影：Hong

(Presented by 帝影樓）

今個農曆年請2日放足9日假，有機會多幾日relax下，娜姐我又點會錯過？況且好耐無同爹哋媽咪去旅行喇，一於趁呢個機會去轉澳門，玩番幾手發個新年財之餘，當然唔少得食好嘢啦！

難得同兩老食飯，點可以隨隨便便？好彩我喺澳門都有啲connection，問一問朋友邊度有唔錯嘅粵菜，好多人都即刻推薦呢間帝影樓！呢間唔嘢少呀！係2016年米芝蓮推介餐廳之一，佢哋啱啱仲重新設計餐牌同換咗新嘅瓷器餐具，令成間粵菜館嘅格調再昇華！講到咁grand，就去試試佢！

去到帝影樓，午市時間啱啱開始。見到餐館嘅設計明顯花咗好多心思，以紅色、金色同白色作主色調，好stylish咁用咗水簾同大型圓形吊燈營造間隔，有中國風之餘，又唔老套！

餐廳對住澳門半島，一路享用美食，一路欣賞個靚view，真係無敵！事不宜遲，食咗先講！食粵菜，點可以無點心？

首先嚟個正宗菠蘿包，菠蘿包皮有粗粒砂糖，咬落去係陣陣香脆嘅甜味。包餡入面唔單止奶滑，仲有菠蘿肉粒，Surprise！

唔可以放棄任何一個養顏嘅機會！食過花膠都知，本身佢嘅味道比較淡，但呢一碟菜完全嚟個大反轉！麵條同花膠都非常入味，問一問先知，原來師傅用咗鮑汁醃製，而且麵條仲要自家製，寬度同韌度都perfect池！

餐館招牌菜又點可以miss？見師傅推架餐車出嚟嗰時，真係一頭霧水，心諗唔係唱Happy Birthday呀？Oh My God！原來係即刻喺你面前火焰燒，現場表演show time！

黑豚叉燒採用西班牙黑毛豬，經過海鹽同玫瑰酒醃製，令肥美叉燒有一陣淡淡嘅酒香。

唔好以為係中式甜品好老套，帝影樓將傳統甜品再打造，融入西式風格，十分有創意！

外形非常可愛，鹹水角質感嘅外皮，又脆又煙韌。一啖咬落去，南瓜餡隨即流出嚟。夾埋市面罕有嘅核桃雪糕同脆餅，冷熱口感都有，完全滿足到甜品控嘅訴求！

好多人都知杏仁有保健功效，但佢個味道就未必人人頂得順！呢款杏仁茶真係零舍唔同，師傅同團隊由揀選杏仁，到調校蛋白同杏仁嘅比例，足足用咗成半年時間。保留杏仁味清香，亦有蛋白嘅細滑，無杏仁露咁杰，更易入口！

帝影樓果然無令人失望，每道菜式都好有層次感，完全感受到師傅嘅心思，喺視覺同味覺上都有驚喜帶俾食客！

都係全靠啱啱幫我地即場燒黑豚叉燒嘅師傅－添哥，原來佢係帝影樓總廚，有超過24年入廚經驗！參加過好多中餐廚藝比賽，獲獎無數，仲通過國家職業資格考試一級認證，成為澳門少數攞到中式烹調高級技師專業資格嘅其中一人！佩服！佩服！

我仲8到餐館會定期更新餐牌，下次再嚟澳門，一定要同班姊妹再試過！

網址：www.altiramacau.com/tc/dining/detail/16/帝影樓

地址：澳門花城區廣東大馬路新濠鋒11樓（顯示地圖）

聯絡電話：(853) 2886 8868