港人至歎口味 香滑濃厚正宗港式奶茶@Dining娜

人哋話做人最緊要識歎，我Dining娜話生活喺繁囂嘅香港，一日一杯正宗港式奶茶，先至係至高享受！上兩個星期落老鑼行街，見到黑白淡奶大派免費奶茶，我同男朋友即刻仆去排隊拎返杯。現場有一班資深茶師傅同十幾個少年奶茶師傅為市民即場炮製熱奶茶，我哋喺遠處已經聞到茶香，入口更係滑、濃、厚，好好飲！

飲完歎完，見到好靚女嘅黃翠如上台沖製奶茶，仲有我好鍾意嘅少爺占講吓茶經，講吓佢以奶茶為設計主題嘅T恤。心諗咩事咁多明星？原來黑白淡奶75周年嘅慶祝活動，佢哋仲話嚟緊75日都會喺全港超過300個地點免費派奶茶，真係諗起都正！

貪玩嘅男朋友睇完翠如都唔肯走，拖咗我去懷舊黑白冰室寫張香港歷史街景明信片，話要寄畀一年後嘅我喎，又幾鬼浪漫喎！之後仲拉咗我去仿80年代茶餐廳布景入面，企喺3D攝影區嘅巨型蛋撻、菠蘿包上，一齊打卡影相，真係好可愛呀！玩完遊戲，我哋仲拎咗套好靚嘅黑白淡奶茶杯碟套裝返屋企留念。

至愛黑白淡奶 I ♥ Black & White：
https://www.facebook.com/BlackandWhite.HK