清邁習武學Muay Thai 回港夠實用！＠Lucina Lo

近日看見香港出旺角見到警察講多兩句都會畀人捉出馬路按在地上搞到成身傷哂，原來學習自衞術真係唔少得。
哈…我都算有先見之明，十月中去清邁，知到當地有不少著名泰拳學校，當地亦聚集了很多著名泰拳拳手，便堅決學習泰拳，另一半堅持唔學，我唯有book了一堂private lesson。

要學泰拳很方便，在當地旅行社報名參加便可，尤如參加Local tour。參加當日便拳館便有人來酒店接我，拳館於一間旅館二樓，沒有冷氣如同香港七十年代這種大隻佬最愛的健身室，亦很有電影中「打擂台」的感覺。我到達之際，拳館內的學生(大多是身型好fit的西人和洋妞，好彩我都曬得黑黑實實仲著埋條boxing褲唔輸蝕!) 已練習得如火如荼，有些在跳吓跳吓練習體能、有些在練習打沙包、有些則已在擂台上格鬥中，只有我這個新丁，好像格格不入似的。

不過，雖然他們知我這個遊客只係玩一天，又對泰拳完全無概念，但也沒有呈放棄狀般hea住教我，卻由基本功開始教，首先要跳五分鐘繩(其實我想同佢講可否括免因為早上已跑咗三十分鐘步，不過我當然沒有咁做而十分聽話)，之後就係練習基本動作，首先學side kick，因為太耐冇學嘢，學習力已比N年前的學生時代低得多，手腳好像唔係好協調似的，幸好練多幾吓都算慢慢適應。唔知是否side kick在泰拳中十分重要，練了很久這個動作，教練突然攞一支幼過白蘿蔔的物體出來掛在天花，叫我練習side kick的準繩度，真係刻苦。

清邁仲有咩玩？：單車踩板飛越清邁森林